پام بۆندی وەک داواکاری گشتیی ئەمریکا ناسێندرا

0

لایک

0

دوناڵد ترەمپ، سەرۆکی هەڵبژێردراوی ئەمریکا، پام بۆندی، داواکاری گشتیی فلۆریدای وەک داواکاری گشتیی ئەمریکا ناساند.

ترەمپ پێشترمات گایتزی ئەندامی کۆنگرێسی بۆ ئەو پۆستە دەستنیشان کردبوو، بەڵام گایتز بەر لە دەستەبەکاربوون کشایەوە. گایتز تۆمەتباربوو بە ئەنجامدانی سێکس لەگەڵ کچێکی خوار 17 ساڵان وبەکارهێنانی ماددەی هۆشبەر، ئێستا لەلایەن کۆمیتەی ڕەوشتی ئەنجوومەنی نوێنەرانەوە لێپێچینەوەی لێدەکرێت. 

گایتز، لەلایەن لیژنەی ڕەوشتی ئەنجوومەنی نوێنەرانەوە بەتۆمەتی هەڵسوکەوتی خراپ لێکۆڵینەوەی لەگەڵدا کراوە، بەتایبەتی هەڵسوکەوتی بەکارهێنانی ماددە هۆشبەرەکان، هەر بەو هۆیەوە، گایتز دەستی لەکار کێشایەوە دوای ئەوەی ترەمپ کاندیدی کردبوو بۆ پۆستی وەزیری داد. 

دۆناڵد ترەمپ، سەرۆکی هەڵبژێردراوی ئەمریکا ڕایگەیاند، دەیەوێت داواکاری گشتی هەوڵەکانی بۆ ڕووبەڕووبوونەوەی تاوان چڕ بکاتەوە.

هاوکات پام بۆندی تەمەنی 59 ساڵە و لە ئیدارەی پێشووی ترەمپدا لە ئەنجوومەنی ڕووبەڕووبوونەوەی ماددەی هۆشبەردا کاری کردووە.