محەمەد شیاع سوودانی، سەرۆکوەزیرانی عێراق پێشوازی لە قوباد تاڵەبانی، جێگری سەرۆکوەزیرانی هەرێم کرد و لەدیدارێکدا گفتوگۆ لەبارەی دواین پێشهاتەکانی وڵات کرا و جەخت لەسەر یەکخستنی هەوڵەکان بەمەبەستی چارەسەری کێشەکان و پێشخستنی بەرژەوەندی گشتی گەلی عێراق کرایەوە.
بەگوێرەی راگەیەندراوێکی نووسینگەی راگەیاندنی سەرۆکوەزیران، ئێوارەی رۆژی دووشەممە، محەمەد شیاع سوودانی، سەرۆکوەزیرانی عێراق پێشوازی لە قوباد تاڵەبانی، جێگری سەرۆکی حکومەتی هەرێم کرد، لەدیدارێکدا گفتوگۆ لەبارەی پێشهاتەکانی دۆخی گشتی و گرنگترین دۆسیەکان لەسەر ئاستی نیشتمانی، و ڕێگاکانی بەرزکردنەوەی کاری حکومەت و جێبەجێکردنی بەرنامەکانی خزمەتگوزاری و چاکسازی کرا.
بەگوێرەی راگەیەندراوەکە، لە کۆبوونەوەکەی نێوان قوباد تاڵەبانی و محەمەد شیاع سوودانی پێداچوونەوە بە هەوڵەکانی هەماهەنگی و یەکگرتن لە نێوان حکومەتی فیدڕاڵی و حکومەتی هەرێم لە بوارە جیاجیاکان کرا، بە مەبەستی پێشخستنی بەرژەوەندی گشتی گەلی عێراق لە هەموو بوارەکاندا.
محەمەد شیاع سوودانی دووپاتی کاری لەپێشینەی حکومەتەکەی کردەوە، بەئامانجی بەرزکردنەوەی ئاستی خزمەتگوزارییەکان کە لەگەڵ خواست و خواستی هاووڵاتیان لە سەرجەم پارێزگاکانی عێراقدا بگونجێت.
وتیشی، “کارەکانی دەسەڵاتی جێبەجێکردن بە پاڵپشتی و پشتیوانی گشتی جەماوەری و سیاسی، لە ماوەیەکی کورتدا هەنگاوی بەرچاویان لە سەر رێگای ژێرخانی ئابووری و چاکسازی ئابووری و چارەسەرکردنی پێداویستییە سەرەتاییەکانی هاووڵاتیان بەدەستهێناوە”.
