ئەنجومەنی یەکێتی ئەوروپا لە راگەیەنراوێکدا بڵاویکردەوە، سزایان بەسەر شەش کەسایەتی و پێنج کۆمپانیای ئێرانیدا سەپاندووە، چونکە پشتیوانی سەربازییان لە رووسیا کردووە لە جەنگی دژ بە ئۆکرانیا.
ئەمڕۆ دووشەممە، ئەنجوومەنی یەکێتی ئەوروپا سزای بەسەر شەش کەسایەتی و پێنج کۆمپانیای ئێراندا سەپاند، کە بە پەرەپێدان و بەرهەمهێنانی فڕۆکەی بێ فڕۆکەوان هاوکاری رووسیایان دەرکرد لە جەنگی دژ بە ئۆکرانیا.
ئەو لایەنە ئێرانییانەی سزادراون بریتین لە کۆمپانیای شەکاد سەنعات و سەرۆکی دامەزراوەی ئەو کۆمپانیایە و جێگرەکەی، هەروەها چەند زانایەک لە کۆمپانیاکانی دیکەی کە پێکهاتەکانی فڕۆکەی بێ فڕۆکەوان دروست دەکەن، کە بریتین لە کۆ بەهارستان و کۆمپانیای سەرمەدی ئەلیکترۆنی.
ئەو لایەنانەی سزادراون سەرجەم سامانەکانیان لە وڵاتانی ئەوروپا سڕ دەکرێت و گەشتکردنیان بۆ وڵاتانی یەکێتی ئەوروپا لێ قەدەغە دەکرێت، سەرەڕای ئەوەش لێیان قەدەغەیە پارە بە مەبەستی کاروباری ئابووری یان لە پێناو پێدانی بە کەسانی دیکە رابکێشن.
