وەزارەتی خوێندنی باڵای حکومەتی کاربەڕێکەر ڕایگەیاند، ئەمڕۆ یەکشەممە، ئەنجامەکانی زانکۆلاین بۆ ساڵی خوێندنی 2024-2025 بڵاو دەکەنەوە.
وەزارەتی خوێندنی باڵا و توێژینەوەی زانستیی حکومەتی کاربەڕێکەری هەرێم ڕاگەیەنراوێکی بڵاو کردووەتەوە و تێیدا هاتووە، لە کۆنگرەیەکى رۆژنامەنووسیدا ئەنجامەکانى وەرگرتنى دەرچووانى قۆناغی دوانزەى ئامادەیی لە زانکۆ و پەیمانگەکان بۆ ساڵى نوێى خوێندنى 2024-2025 ڕادەگەیەنن.
هاوکات ئاماژە بەوەش کراوە، دواى ڕاگەیاندنى ئەنجامەکان، لە رۆژی ١٠ـی ئەم مانگەوە دەست دەکرێت بە پڕۆسەی خوێندنی قۆناغی یەکەم لە زانکۆ و پەیمانگاکانی هەرێمی کوردستان – عێراق.
بە وتەی عەباس ئەکرەم، لە 10ـی ئەم مانگەوە و دوای رێکارە کارگێڕییەکانی وەرگرتنی قوتابیان، خوێندنی قۆناخی یەکەم دەستپێدەکات.
بەگوێرەی وەزارەتی خوێندنی باڵا، 47 هەزار و 788 خوێندکار لە پۆلی 12 دەرچووبوون؛ 30 هەزار و 661 قوتابی بەشی زانستی، 15 هەزار و 716 قوتابی بەشی وێژەیی، 159 قوتابی خوێندنگە نێودەوڵەتییەکان و 1250 قوتابی پیشەیی.
هەروەها وەزارەتی خوێندنی باڵا ڕایگەیاندووە، دوای ڕاگەیاندنی ئەنجامەکان، وەرگیراوان دەبێت راستەوخۆ پەیوەندی بە زانکۆکانیانەوە بکەن.
لەو ژمارەیە 37 هەزار و 290 قوتابی لە دەرچووانی 2023 داواکارییان پێشکێشکرد؛ 2598 قوتابی دەرچووانی ساڵی 2022 بوون؛ 6882 قوتابی دیکەش ساڵانی پێشووتر دەرچووبوون و داواکارییان پێشکێشکردووە.
ناوبراو ئاماژەی بەشدا، بەگوێرەی نمرەی دەرچووان، دەرفەتی خوێندن بۆ هەموو ئەوانە دەڕەخسێندرێت کە زانکۆلاینیان پڕکردووەتەوە.
لە کۆی هەموو ئەوانەی داواکارییان پێشکێشکردبوو، ساڵی رابردوو 42 هەزار و 985 قوتابی لە زانکۆ و پەیمانگەکان وەرگیران.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
