بەرپرسی لیژنەی سکاڵا و تانە لە دەستەی ھەڵبژاردنەکانی ھەرێمی کوردستان – عێراق ڕایدەگەینێت “ئەمرۆ تا کاتژمێر3ـی ئێوارە تانەی لایەنە سیاسیەکان وەردەگیرێن و تا ئێستاش دوو تانە لە ئەنجامی کۆتایی ھەڵبژاردن دراوە.”
هاوکات عەلی قادر بەرپرسی لیژنەی سکاڵا و تانە لە دەستەی ھەڵبژاردنەکانی ھەرێمی کوردستان – عێراق لە کۆمیسیۆنی ھەڵبژاردنەکانی عێراق ڕاگەیاند “ئەمڕۆ لە دوای کاتژمێر 3ـی دوای نیوەڕۆوە تانەی لایەنە سیاسیەکان وەرناگیرێن.”
هەروەها لە بارەی ژمارەی تانەکان گوتی: “دوو تانە لای ئێمە تۆمار کراوە ھۆکاری کەمی تانەکانیش بۆ ئەوە بووە کە پێشتر کۆمیسیۆن سەرجەم کارتەکانی دەنگدانی سەرجەم بنکەکان و وێستگەکانی داوەتەوە لایەنە سیاسیەکان ئەمەش وایکردوە لایەنەکان بەرچاوڕوونیان لە بارەی پرۆسەکە بۆ زیاتر بێت بۆیە کەمترین تانە لە ئەنجامی کۆتایی دەنگدان دراوە.”
بە گوێرەی زانیارییەکان ڕۆژی هەینی، 18-10-2024، دەنگدانی تایبەت و ڕۆژی یەکشەممەش، 20-10-2024، دەنگدانی گشتیی بۆ هەڵبژاردنی خولی شەشەمی پەرلەمانی کوردستان بەڕێوە چوو. بە گوێرەی ئامارەکانی کۆمیسیۆنی باڵای سەربەخۆی هەڵبژاردنەکانی عێراق، بە تێکڕا نزیکەی 70%ـی دەنگدەران بەشدارییان لە هەردوو دەنگدانەکەدا کردووە.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
