سەرۆکی دادگای فیدڕاڵی رایگەیاند، بەپێی دەستووری عێراق دەبێت مووچەی سەرجەم مووچەخۆران بەنیشتیمانی بکرێت و مووچەخۆرانی هەرێمیش دەگرێتەوە.
ئەمڕۆ پێنجشەممە، جاسم محەمەد سەرۆکی دادگای باڵای فیدڕاڵی پێشوازی لە باڵیۆزی هەنگاریا لە عێراق کرد و گفتوگۆیان لەبارەی چەند پرسێکی تایبەت کرد لەنێویشیاندا بڕیارەکانی دادگای فیدڕاڵی سەبارەت بە مووچەی مووچەخۆرانی هەرێـم.
لە کۆبوونەوەکەدا، سەبارەت بە مووچەی فەرمانبەرانی هەرێم بە خانەنیشنان و سەرجەم فەرمانبەرانی هەرێم سەرۆکی دادگای فیدڕاڵی باسی لەوە کردووە، بەپێی دەستوری عێراقی 2005 بڕیاردرا كە مووچەی مووچەخۆران بە نیشتیمانی بكرێت.
وتیشی، “سیستمی دیموكراسی عێراق پێویستی بە دامەزراوەی دەستووری و سیستمی هەڵبژاردنی راست هەیە لەگەڵ هەڵبژاردنی دادپەروەرانە لە ژێر سەرپەرشتی كۆمیسیۆنێكی هەڵبژاردنی سەربەخۆدا”.
لایخۆشییەوە، بالیۆزی هەنگاریا جەختی لەوە کردەوە، بەردەوام دەبن لە پتەوکردنی پەیوەندییە هاوبەشەکانیان لەگەڵ عێراق لە بوارە جیاوازەکاندا و رۆڵی دادگای باڵای فیدڕاڵی لە چەسپاندنی بنەما دەستووری و دیموکراسییەکان بۆ بنیادنانی سیستەمێکی پەرلەمان لەسەر بنەمای سەروەری یاسا بەرز نرخاند.
1
دابەشكردنی مووچە دەستپێدەكاتەوە
2
کۆنگرەی 14ـی پارتی؛ ناوی ئەندامانی کۆمیتەی ناوەندی راگەیەندرا
3
لیستی هاوپەیمانی تورکمانی: لەناوبردنی سیستەمی کۆتا جێگای قەبوڵ نییە و هەڵوێستی توندمان دەبێت
4
سەرۆکایەتی هەرێم: نابێت ههرێمى كوردستان بكرێته گۆڕهپانى يهكلاییكردنهوهى ململانێكانی لایەنە ناکۆکەکان
5
مەسرور بارزانی: پاڵپشتی خۆم بۆ بریندارانی هێرشه مهترسیدارهکەی شاری جەددە رادهگهیهنم
