پارێزگاری هەولێر: مەترسییەکانی لافاو کەمتر دەکەینەوە
  • TEBA KURDİ
  • عێراق
  • پارێزگاری هەولێر: مەترسییەکانی لافاو کەمتر دەکەینەوە

پارێزگاری هەولێر: مەترسییەکانی لافاو کەمتر دەکەینەوە

ئه‌یلول 30, 2023 14:30
پارێزگاری هەولێر: مەترسییەکانی لافاو کەمتر دەکەینەوە
0

لایک

ئومێد خۆشناو، پارێزگاری هەولێر رایگەیاند، مەودای 55 کیلۆمەتری کەندە سروشتییەکان و کۆرنیشی هەولێر بۆ کەمکردنەوەی مەترسییەکانی دروسبوونی لافاو پاکدەکرێنەوە.

ئومێد خۆشناو لە کۆنفرانسێکی رۆژنامەوانییدا رایگەیاند، بەرێوەبەرایەتی کەشناسی پێشبینی دەکات رێژەی باران بارینی  ئەمساڵیش زۆربێت، بۆ ئەو مەبەستە و کەمکردنەوەی مەترسییەکانی دروستبوونی لافاو چەند رێکارێکیان گرتوەتە بەر.

پارێزگاری هەولێر، ئاماژەی بەوە کرد، “مەودای 55 کیلۆمەتری کەندی سروشتی کە رێرەوی بارانن پاکدەکرێتەوە، هەوەرها بۆ جارێکی دیکە کۆرنیشی هەولێر پاکدەکرێتەوە ئەوەش کاریگەری باشی دەبێت لەسەر کەمکردنەوەی مەترسییەکانی دروستبوونی لافاو”.

ئەوەشی خستەڕوو، پڕۆسەکە ماوەی مانگێکە لەلایەن سەرۆکایەتی شارەوانی هەولێر دەستیپێکردوە، جگە لە پاککردنەوەی کۆرنیش و کەندە سروشتییەکان، مەنهۆڵی ناوشارەکانیش پشکنیان بۆ دەکرێت.

ئومێد خۆشناو، پارێزگاری هەولێر راشیگەیاند، ناتوانن گرەنتی ئەوە بدەن کە لافاو دروستنەبێت، بەڵام لە رێگەی ئەو رێکارانەوە دەتوانن مەترسییەکانی دروسبوونی لافاو کەمبکەنەوە.

En az 10 karakter gerekli