وەزیری بەرگری ئەمریكا: لە هەر شوێن و كاتێك بێت وەڵامی هێرشەكان دەدەینەوە
  • TEBA KURDİ
  • جیهان
  • وەزیری بەرگری ئەمریكا: لە هەر شوێن و كاتێك بێت وەڵامی هێرشەكان دەدەینەوە

وەزیری بەرگری ئەمریكا: لە هەر شوێن و كاتێك بێت وەڵامی هێرشەكان دەدەینەوە

شوبات 1, 2024 21:45
وەزیری بەرگری ئەمریكا: لە هەر شوێن و كاتێك بێت وەڵامی هێرشەكان دەدەینەوە
0

لایک

لوید ئۆستن، وەزیری بەرگری ئەمریكا لە کۆنگرەیەکی رۆژنامەنووسیدا رایگەیاند، رۆژهەڵاتی ناوەڕاست بە دۆخێکی هەستیاردا تێدەپەڕێت، هەوڵی هێوركردنەوەی گرژییەكانی رۆژهەڵاتی ناوەڕاست دەدەین، لە تواناماندایە چەندین جار وەڵامی هێرشەكان بدەینەوە.

راشیگەیاند، ئەو هێرشانەی دەکرێنە سەرمان بێ وەڵام نابن، توانای وەڵامدانەوەمان زانراوە، کاتێک وەڵام دەدەینەوە ئامانجەکان دەپێکین، داوا لە ئێرانیش دەكەین چەكداركردنی حوسییەكان رابگرێت.

ئاژانسی هەواڵی رۆیتەرز بڵاویکردەوە، دامەزراوە و ئامانجە سەربازییەكانی ئێران لە عێراق و سووریا بۆ ماوەی چەند رۆژێك بۆردوومان دەكرێن.

جۆ بایدن سەرۆکی ئەمریکا رۆژی سێشەممە رایگەیاند کە بڕیاری خۆی لەسەر چۆنیەتی وەڵامدانەوەی هێرشەکەی باکووری رۆژهەڵاتی ئوردن لە نزیک سنووری سووریا لەم هەفتەیەدا داوەتەوە، کە بووە هۆی کوژرانی سێ سەربازی سوپای ئەمریکا و برینداربوونی زیاتر لە 40 کەس.

En az 10 karakter gerekli