ئه‌نجوومه‌نی باڵای فه‌توا ڕێژه‌ی زه‌كات و سه‌رفیتره و فیدیه‌ی ئەمساڵی دیاریکرد.
ئەمڕۆ چوارشەممە، 13-03-2024، ئه‌نجوومه‌نی باڵای فه‌توای سەر بە یەکێتیی زانایانی ئایینیی هەرێمی کوردستان لە راگەیەندراوێکدا ڕێژه‌ی زه‌كات، سه‌رفیتره و فیدیه‌ی ئەمساڵی دیاریکرد.
بە گوێرەی راگەیەندراوەکە، ڕێژه‌ی سه‌رفیتره بۆ هه‌ر كه‌سێك له‌‌مساڵدا به لایه‌نی كه‌م (2500) دوو هه‌زار و پێنج سه‌د دینار ده‌بێت.
ئاماژە بەوەش کراوە، “ئه‌ندازه‌ی فیدیه‌ی به‌ڕۆژوو نه‌بوون بۆ هه‌ر ڕۆژێك (2500) دوو هه‌زار و پێنج سه‌د دینار ده‌بێت”.
لەبارەی زەکاتیش، لە راگەیەندراوەکەدا هاتووە: “ئه‌ندازه‌ی ئه‌و پاره‌یه‌ی زه‌كات تیایدا واجب ده‌بێت (نیصابی زه‌كات) بریتییه له (2,100,000) دوو ملیۆن و سه‌د هه‌زار دیناری عیراقی، واته هه‌ر كه‌سێك (2,100,000 دوو ملیۆن و سه‌د هه‌زار دیناری عیراقی) هه‌بێت و، ساڵی به‌سه‌ردا سوڕابێته‌وه، واجبه به ڕێژه‌ی (%2.5) سه‌دا دوو و نیو واته بۆ هه‌ر ملیۆنێك بیست و پێنج هه‌زار دیناری عێڕاقی به‌زه‌كات بدات به هه‌ژارو كه‌م ده‌رامه‌تان”.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
