پاش نیوەڕۆی ئەمڕۆ لە رووداوێكی هاتووچۆدا لە رێگای دەربەندیخان – سلێمانی چوار ئەندامی یەک خانەوادە گیانیان لەدەستدا.
بەگوێرەی زانیارییە سەرەتاییەکان، رووداوەکە لە نزیک گوندی میرە دێ لەسەر رێگای دەربەندیخان – سلێمانی روویداوە، کە تیایدا دوو ژن و پیاوێک لە شوێنی رووداوەکە گیانیان لەدەستداوە و منداڵێکیش کە بە سەختی برینداربوو دوای گەیاندنی بۆ نەخۆشخانە گیانی لەدەستداوە.
رووداوەکە بەشێوەیەک بووە کە ئۆتۆمبێلێکی جۆری تۆیۆتا کراون ناسراو بە (مەلیکە) خۆی کێشاوە بە سیاجی سەر شەقامەکە و بەهۆی تیژڕەوییەوە وەرگەڕاوە و دوو ژن و پیاوێک و و منداڵێکی تێدابووە.
جێی باسە، منداڵەکە بە سەختی برینداربووە و دوای گەیاندنی بۆ نەخۆشخانە گیانی لەدەستداوە.
