وەزارەتی کارەبای هەرێمی کوردستان-عێراق رایگەیاند، لە 24 کاتژمێری داهاتوودا سێ وێستگەی بەرهەمهێنانی کارەبا دەکەونە کار و دۆخی کارەبا ئاسایی دەبێتەوە.
وەزارەتی کارەبا لە راگەیەنداوێکدا دەڵێت: ئێوارەی رۆژی سێشەممە هەناردەی گاز لە کێڵگەی کۆرمۆر بۆ وێستگەکانی بەرهەمهێنانی کارەبا دەستیپێکرد و پەستانی گاز بۆ وێستگەکان بەرز بووەتەوە و بڕی 270 ملیۆن پێ سێجا گاز لە کۆی 520 ملیۆن پێ سێجای پێویست گەیشتووەتە وێستگەکان کە دەکاتە نیوەی توانای وێستگەکان.
ئاماژەی بەوەشکردووە، لە 24 کاتژمێری داهاتوودا هەرسێ وێستگەی بەرهەمهێنانی کارەبا لە هەولێر، سلێمانی و بازیان دەکەونە کار.
کاتژمێر 10:35 خولەکى شەوی پێنجشەممە 25ـى کانوونى دووەمى 2024، هێرشکرایەسەر کێڵگەى گازى کۆرمۆر لە سنوورى قەزاى چەمچەماڵ و لە دوای ئەو هێرشە، وەزارەتى کارەباى هەرێمى کوردستان-عێراق ئاشکرایکرد، بەهۆى کەوتنەوەى ئاگرێکەوە لە كێڵگەی گازی كۆرمۆر بەرهەمهێنانی كارەبا راوەستاوە.
1
دابەشكردنی مووچە دەستپێدەكاتەوە
2
کۆنگرەی 14ـی پارتی؛ ناوی ئەندامانی کۆمیتەی ناوەندی راگەیەندرا
3
لیستی هاوپەیمانی تورکمانی: لەناوبردنی سیستەمی کۆتا جێگای قەبوڵ نییە و هەڵوێستی توندمان دەبێت
4
مەسرور بارزانی: پاڵپشتی خۆم بۆ بریندارانی هێرشه مهترسیدارهکەی شاری جەددە رادهگهیهنم
5
سەرۆکایەتی هەرێم: نابێت ههرێمى كوردستان بكرێته گۆڕهپانى يهكلاییكردنهوهى ململانێكانی لایەنە ناکۆکەکان
