ئەنجومەنی دادوەریی عێراق، ئاماری حاڵەتەکانی جیابوونەوەی هاوسەرانی بڵاوکردەوە و رایگەیاند لە مانگی نیساندا نزیکەی پێنج هەزار هاوسەر جیابوونەتەوە.
بەپێی ئامارە فەرمییەکەی دەستەی دادوەریی عێراق لە مانگی نیساندا لە هەر کاتژمێرێکدا شەش هاوسەر جیابوونەتەوە و کۆی مانگەکە چوار هەزار و 643 حاڵەتی جیابوونەوە تۆمارکراوە، بەوپێیەش لە هەر رۆژێکدا نزیکەی 154 حاڵەت تۆمارکراوە.
ئەنجومەنی دادوەری باسی لەوەکردووە کە ئەو ئامارەی بڵاویانکردووەتەوە سەرجەم پارێزگاکانی عێراقی تێدایە جگە لە هەرێمی کوردستان.
