شاندێکی حکومەتی هەرێم گەیشتە بەغدا

شاندێکی حکومەتی هەرێم گەیشتە بەغدا

شوبات 11, 2024 14:58
شاندێکی حکومەتی هەرێم گەیشتە بەغدا
0

لایک

وەزارەتی دارایی هەرێم بڵاویکردەوە، وەفدێکی هونەری حکومەتی هەرێمی کوردستان بۆ یەکخستنی رێکارە دارایی و  ژمێریارییەکان لە نێوان حکومەتی هەرێم و حکومەتی ناوه‌ندی عێراق گەیشتە بەغداد.

بە گوێرەی راگەیەندراوەکەی وەزارەتی درایی، وەفدەکە پێكهاتوون له‌ وه‌زاره‌تی دارایی و ئابوری، وه‌زاره‌تی سامانه‌ سروشتییه‌كان له‌گه‌ڵ دیوانی چاودێریی دارایی هه‌رێم.

ئەوەش خراوەتەڕوو، بڕیارە وەفدەکە ماوەی چەند رۆژێک لە شاری بەغداد بمێننەوە، بۆ بەشداری لە چەندین خولی هاوبەش، لەگەڵ تیمە هاوبەشەکانی وەزارەتی دارایی عێراق و دیوانی چاودێری دارایی عێراق.

لەبارەی مەبەستی سەردانەکەوە ئاماژە بەوەشکراوە، بە مەبەستی دروستکردنی تیمی هاوبەش، بۆ یەکخستنی رێکارە دارایی و  ژمێریارییەکان لە نێوان حکومەتی هەرێم و حکومەتی ناوه‌ندی عێراقە.

En az 10 karakter gerekli