بە ڤیدیۆ – به‌هۆی ته‌قینه‌وه‌یه‌ك له‌ بازاڕێكی ئه‌نتاڵیا قوربانی لێکەوتەوە

0

لایک

0

سه‌رچاوه‌یه‌كی ئاگادار ڕایگه‌یاند، پاشنیوه‌ڕۆ ئه‌مڕۆ دووشه‌ممه‌ به‌هۆی ته‌قینه‌وه‌یه‌ك له‌ بازاڕێكی ئه‌نتاڵیا چوار كه‌س بریندار بوون.

به‌گوێره‌ی زانیارییه‌ سه‌ره‌تاییه‌كان، ته‌قینه‌وه‌یه‌ك له‌ بازاڕێكی سه‌وزه‌ و میوه‌ (عه‌لوه‌) له‌ ناوچه‌ی دێمرێی سه‌ر به‌ ئه‌نتاڵیا روویدا و به‌هۆیه‌وه‌ چوار كه‌س برینداربون.

نزیكه‌ی كاتژمێر ٣:٠٠ به‌كاتی توركیا ته‌قینه‌وه‌كه‌ له‌ شوێنێكی كار له‌ بازاڕه‌كه‌ روویداوه‌ و تا ئێستا شێواز و ورده‌كاریه‌كه‌ی نه‌زانراوه‌.

به‌پێی ئاژانسی ئانادۆڵو، له‌ كاتی ئاگاداركردنه‌وه‌دا پۆلیس و ئاگركوژێنه‌وه‌ و تیمی پزیشكی ڕه‌وانه‌ی ناوچه‌كه‌ كران، برینداره‌كانیش دوای فریاگوزاری سه‌ره‌تایی له‌لایه‌ن تیمه‌ پزیشكییه‌كانه‌وه‌ گه‌یه‌ندراونه‌ته‌ نه‌خۆشخانه‌.

هەروەها بە گوێرەی زانیارییەکان، بەهۆی تەقینەوەکە تاوەکو ئێستا کەسێک گیانی لەدەست داوە، سێ کەسی تریش بریندارن

تیمه‌كان به‌رده‌وامن له‌ كاره‌كانیان بۆ دیاریكردنی هۆكاری ته‌قینه‌وه‌كه‌، كه‌ بوه‌ته‌ هۆی زیانگه‌یاندن به‌ شوێنی كار و ئۆتۆمبێله‌كان.

نه‌ڤزات ئاكجان سه‌رۆكی كۆمه‌ڵه‌ی فرۆشیارانی بازاڕه‌كه‌ ڕایگه‌یاند، هۆكاره‌كه‌ی ڕوون نییه‌، له‌دوای كۆنتڕۆڵكردنی دۆخه‌كه‌ و گه‌یاندنی برینداره‌كان بۆ نه‌خۆشخانه‌، كاره‌كان به‌رده‌وامن، ڕاپۆرتمان پێگه‌یشتوه‌ كه‌ كه‌سێك گیانی له‌ده‌ستداوه‌، به‌ڵام ڕوون نییه‌.