گەڕی یەکەمی دانووستانی عێراق و ئەمەریکا بۆ کۆتاییهێنان بە ئەرکی هاوپەیمانی نێودەوڵەتی دەستیپێکرد

0

لایک

0

گەڕی یەكەمی گفتوگۆ سەبارەت بە كۆتاییهێنان بە ئەركی هاوپەیمانی نێودەوڵەتی لە عێراق دەستپێكرد.

ئەمڕۆ شەممە 27-1-2024  گەڕی یەكەمی گفتوگۆی دوو قۆڵی نێوان عێراق و ئەمریكا بۆ كۆتاییهێنان بە ئەركی هاوپەیمانی نێودەوڵەتی دەستیپێكرد.

لەوبارەیەوە نووسینگەی ڕاگەیاندنی سوودانی لە بەیاننامەیەكدا رایگەیاند: محەممەد شیاع سوودانی، سەرۆك وەزیرانی عێراق ،سەرپەرشتی دەستپێكردنی گەڕی یەكەمی گفتوگۆی دوو قۆڵی نێوان عێراق و ویلایەتە یەكگرتووەكانی ئەمریكای كردووە بۆ كۆتاییهێنان بە ئەركی نێودەوڵەتی هاوپەیمانی لە عێراق.

محەمەد شیاع سوودانی سەرۆکوەزیرانی عێراق ناوەڕاستی ئەم مانگە لە پانێلێکدا لە چوارچێوەی چالاکییەکانی کۆڕبەندی ئابووری جیهانی لە داڤۆس رایگەیاند، ئێستا هێزە عێراقییەکان توانا و لێهاتووییان هەیە بۆ پارێزگاری لە ئاسایش و سەقامگیریی و سەروەری عێراق بۆیە کاتی کۆتاییهاتنی ئەرکی هێزە بیانییەکانە لە عێراق، کە بۆ بەرەنگاربوونەوەی رێکخراوی داعش هاتوونەتە عێراق.