ئاسایشی پارێزگای هەولێر(ئەربیل) دەست بەسەر 299 کارتۆن گۆشتی هیندی قەدەغەکراودا دەگرێت، کە لە کۆگایەکی سەر رێگەی کەرکوک – هەولێر شاردراوەتەوە.
بەگوێرەی زانیارییە سەرەتاییەکان، کارتۆنی گۆشتەکان لەنێو کۆگایەکدا بووە و هەوڵدراوە بە نهێنی لەرێگەی بارهەڵگرەوە بخرێتە بازاڕەوە، بەڵام بەرلەوەی دابەشبکرێت، لەلایەن ئاسایشی هەولێرەوە دەستیبەسەردا گیراوە.
شایەنی باسە، ئەم بڕە گۆشتە هیندییە بەشێوەیەکی ناتەندروست و بە قاچاخ هاتووەتە هەولێرەوە. لە هەمان کاتدا ئەو گۆشتە قەدەغەکراوە و بەهیچ شێوەیەک نابێت لە بازاڕەکانی هەرێمدا بفرۆشرێت.
