یواڤ گالانت لە پۆستی وەزیری بەرگریی ئیسرائیل دوورخرایەوە و لەوبارەیەوە بنیامین نەتانیاهۆ، سەرۆکوەزیرانی ئیسرائیل دەڵێت، ” متمانەی نێوان من و گالانت درزی تێکەوتووە”.
ئاژانسی فرانس پرێس بڵاویکردەوە، یواڤ گالانت، وەزیری بەرگریی ئیسرائیل لە پۆستەکەی دوورخراوەتەوە و بەگوێرەی ڕاگەیەندراوی نووسینگەی سەرۆکوەزیرانی ئیسرائیل، دوورخستنەوەی ئەو وەزیرە لە پۆستەکەی بەهۆی داڕمانی متمانەیەتی لەگەڵ نەتانیاهۆ لەسەر پرسی جەنگە.
نەتەنیاهۆ ئاماژەی بەوەشکردووە، “لە کاتی جەنگدا، متمانەی نێوان سەرۆکوەزیران و وەزیری بەرگری پێویستییەکی تەواوە، لە هەڵمەتەکانی مانگەکانی رابردوو ئەو متمانەیەمان هەبوو و کارەکانیشمان بەرهەمداربوو.”
هەروەها بنیامین نەتانیاهۆ، سەرۆکوەزیرانی ئیسرائیل لە پەیامێکی تەلەفزیۆنیدا گوتی، “پابەندبوونی سەرەکیم وەک سەرۆکوەزیرانی ئیسرائیل بۆ پاراستنی ئاسایشی وڵاتەکە و گەیشتنمانە بە سەرکەوتنی تەواو.”
ئەوەشی خستووەتەڕوو، “بەداخەوە ئێستا متمانەی نێوان من و وەزیری بەرگریی ئیسرائیل درزی تێکەوتووە.”
دوای دەركردنی گالانت، ئیسڕائیل كاتس وەزیری دەرەوەی ئیسڕائیل كرایە وەزیری بەرگریی، هەروەها گدعوون ساعر وەك وەزیری دەرەوەی ئەو وڵاتە دیاری كرا.
سەرۆك وەزیرانی ئیسڕائیل جەختیشی كردەوە كە دڵنیایە بەم هەنگاوانە وا دەكات ئەنجوومەنی وەزیران یەكگرتووتر بێت.
1
گۆڕانکاری کۆیلایەتی لە رابردووەوە تاوەکو ئەمڕۆ
2
بەربەستەکانی دەوروبەری کەعبەی پیرۆز لادەبرێن
3
ئەمریکا: ژنانی ئێران تەنها لە پێناوی شکۆی خۆیاندا خۆپیشاندان دەکەن
4
پاکستان… لە رووداوێکی هاتووچۆدا نزیکەی 60 کەس بوونە قوربانی
5
نیگەرانییەکانی بەدەستهێنانی وزە لە ئەوڕووپا بەردەوامە و وڵاتەکان چ رێوشوێنێکیان گرتووەتەبەر؟
