وەزارەتی بازرگانی عێراق رایگەیاند: پێشنیازی کردووە ساڵی داهاتوو چەند ماددەیەکی نوێی بۆ سەبەتەی خۆراک زیاد بکرێن.
رۆژی دووشەممە، لەما موسەوی بەڕێوبەری گشتی کۆمپانیای بازرگانی خۆراکی عێراق لە راگەیاندراوێکدا ئەوەی خستەڕوو، ماددەکانی ئێستا کە لە سەبەتەی خۆراکدا هەن تا کۆتایی ئەمساڵ وەک خۆی بەردەوام دەبێت و گۆڕانکاریان بەسەردا نایەت.
ئاماژەی بەوەشکرد، پێشنیازیان کردووە لە سەرەتای ساڵی داهاتووەوە جەند ماددەیەکی نوێ بۆ سەبەتەی خۆراک زیاد بکرێت.
لەبارەی دابینکردنی بودجە بۆ ئەو ماددە زیادکراوانە، لەما موسەوی ئەوەشی خستەڕوو، ئەو بودجەیەی لەو کەسانە دەمێنێتەوە کە بەشەخۆراکیان بڕدراوە بەهۆی گیان لەدەستدان یان زۆری داهاتەوە، دووبارە بۆ کڕینەوەی ماددەی نوێ بەکاری دەهێننەوە.
پێشتر، ئەنجوومەنی وەزیران بڕیاری راگرتنی سەبەتەی خۆراکی کەسانەی دا کە موچەیان دوو ملیۆن دینار یان زیاترە و رەتیشی کردەوە هیچ پلانێک هەبێت بۆ کەمکردنەوەی ماددەکانی سەبەتەی خۆراک.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
