وەزارەتى کارەباى هەرێم ڕایگەیاند، لە دوو رۆژى رابردوودا لە شەو و رۆژێکدا نزیکەى ٢٢ کاتژمێر کارەبایان بۆ هاوڵاتیان دابین کردووە.
ئەمڕۆ هەینی ٢٢ـی ١١ـی ٢٠٢٤، وەزارەتى کارەباى هەرێم ڕاگەیاند، پلانەکە لە رێگەی بەڕێوەبەرایەتیی كۆنترۆڵی كارەبای هەرێم و بە هەماهەنگی لەگەڵ بەڕێوەبەرایەتیی كۆنترۆڵی شارەكان جێبەجێ كراوە.
هاوکات ئەوەشی خستەڕوو، لەم دوو رۆژەدا زیاتر لە 7000 فەرمانبەری ئیشكگری كارەبا بۆ چارەسەركردنی هەر گرفتێكی تەكنیكی لە تۆڕ و وێستگەكان و كارەبای هاوبەشانی ماڵان لەسەر هێڵ بوون.
