شارەوانیی هەولێر: پێدانی پارەی جەژنانە بە کارمەندانی پاککەرەوەی زبڵ ئارەزوومەندانەیە
  • TEBA KURDİ
  • رۆژەڤ
  • شارەوانیی هەولێر: پێدانی پارەی جەژنانە بە کارمەندانی پاککەرەوەی زبڵ ئارەزوومەندانەیە

شارەوانیی هەولێر: پێدانی پارەی جەژنانە بە کارمەندانی پاککەرەوەی زبڵ ئارەزوومەندانەیە

ئازار 30, 2024 17:41
شارەوانیی هەولێر: پێدانی پارەی جەژنانە بە کارمەندانی پاککەرەوەی زبڵ ئارەزوومەندانەیە
0

لایک

سەرۆكایەتی شارەوانی هەولێر رایدەگەیەنێت، پێدانی جەژنانە بە كرێكارانی ژینگەپارێز، بابەتێكی تەواو ئارەزوومەندانەیە و جەختیشدەكاتەوە، هەر رەفتارێكی نەشیاوی ژینگەپارێزان رێكاری یاسایی لێدەكەوێتەوە.

سەرۆكایەتی شارەوانی هەولێر لە راگەیەنراوێكدا ئاماژەی بەوەكردووە، پێدانی جەژنانە بە كرێكارانی ژینگەپارێز، بابەتێكی تەواو ئارەزوومەندانەیە و هیچ هاووڵاتییەك ناچار نییە هیچ بڕە پارەیەك بەناوی جەژنانە یان بە هەر ناوێكی تر بدات بەو ژینگەپارێزانە.

راشیگەیاندووە، زۆرێك لە سواڵكەران بەناوی كرێكارانی شارەوانیەوە پێش جەژنان لەناو كۆڵانەكان دەگەڕێن بۆ جەژنانە، ئێمە وەكو شارەوانی هیچ پەیوەندیمان پێیانەوە نییە.

جەختیشی كردووەتەوە، پێویستە هاووڵاتیان ئەگەر نیازی هاوكاری یان جەژنانەیان هەیە بە كرێكارانی شارەوانی، ئەوە بیدەن بەو كرێكارانەی كە ئامێری كۆكردنەوەی خاشاكیان لەگەڵە.

روونیشی كردووەتەوە، هەر رەفتارێكی نەشیاو لەلایەن كرێكاران و كارمەندانی كۆكردنەوەی خۆڵ و خاشاك بەرامبەر هاووڵاتیان وەك (بەزۆر وەرگرتنی پارە، دیاریكردنی بڕەكەی، دانانی نیشانە لەسەر دەرگا و حاویەی ماڵان، یان زبڵیان هەڵنەگرنەوە ئەگەر پارەیان پێ نەدان) یان هەڕ رەفتارێكی نەگونجاوی تر، دەتوانن پەیوەندی بە ژمارەی سكاڵای بەڕێوەبەرایەتی خزمەتگوزاری و ژینگەپارێزیەوە بكەن، بۆ ئەنجامدانی ڕێكاری پێویست.

En az 10 karakter gerekli