باڵەخانەیەک لە بەغداد رووخا و بەهۆیەوە 8 کەس برینداربوون
  • TEBA KURDİ
  • عێراق
  • باڵەخانەیەک لە بەغداد رووخا و بەهۆیەوە 8 کەس برینداربوون

باڵەخانەیەک لە بەغداد رووخا و بەهۆیەوە 8 کەس برینداربوون

پەڕاوی لێکۆڵینەوە بۆ رووداوەکە کراوەتەوە، بۆ ئەوەی هۆکاری داڕمانی باڵەخانەکە ئاشکرابکرێت

نیسان 2, 2023 13:20
باڵەخانەیەک لە بەغداد رووخا و بەهۆیەوە 8 کەس برینداربوون
0

لایک

باڵەخانەیەک لە شاری بەغداد رووخا و بەگوێرەی زانیارییە سەرەتاییەکان بەهۆیەوە هەشت کەس برینداربوون.

ئەمڕۆ یەکشەممە 2ـی نیسانی 2023، وەزارەتی ناوخۆی عێراق لە راگەیەندراوێکدا ئاماژەی بەوەکردووە، لە باکووری رۆژ‌هەڵاتی بەغداد باڵەخانەیەک کە لە قۆناغی دروستکردندا بووە، لەکاتی کۆنکرێتکردنی پردی بەهێزکردن(بیم) رووخاوە. روونیشیکردووەتەوە، تیمەکانی بەرگری شارستانی لە شوێنی رووداوەکەن.

لەلایەکی دیکەوە بەرگری شارستانی بەغداد لە راگەیەندراوێکدا روونیکردەوە، تیمەکانیان توانیویانە هەشت کرێکار کە لەژێر داروپەردووی باڵەخانەکەدا گیریان خواردبوو، بەبرینداری رزگاربکەن و رەوانەی نەخۆشخانە کراون.

بەگوێرەی راگەیاندراوەکە، پەڕاوی لێکۆڵینەوە بۆ رووداوەکە کراوەتەوە، بۆ ئەوەی هۆکاری داڕمانی باڵەخانەکە ئاشکرابکرێت.

En az 10 karakter gerekli