ئەمرۆ پەرلەمانی عێراق پرسی هێرشەکانی سەر وڵاتەکەی تاوتوێدەکات
  • TEBA KURDİ
  • عێراق
  • ئەمرۆ پەرلەمانی عێراق پرسی هێرشەکانی سەر وڵاتەکەی تاوتوێدەکات

ئەمرۆ پەرلەمانی عێراق پرسی هێرشەکانی سەر وڵاتەکەی تاوتوێدەکات

شوبات 10, 2024 12:38
ئەمرۆ پەرلەمانی عێراق پرسی هێرشەکانی سەر وڵاتەکەی تاوتوێدەکات
0

لایک

پەرلەمانی عێراق رایگەیاند، ئەمڕۆ کاتژمێر 05:00ـی ئێوارە لەبارەی ئەو هێرشانەوە کۆدەبێتەوە کە لە ماوەی رابردوودا کراونەتە سەر عێراق و بە دیاریکراویش هێرشەکەی شەوی 7ـی شوبات.

دوێنێ هەینی، پەرلەمانی عێراق نووسراوێکی بڵاوکردەوە و تێیدا هاتووە، کە رۆژی شەممە لەبارەی ئەو هێرشانەی کە دەکرێنە سەر خاکی عێراق کۆدەبێتەوە و کۆبوونەوەکەش راوێژکاری دەبێت سەبارەت بە مانەوەی هێزەکانی ئەمریکا لە عێراق.

ئەوەش خراوەتەروو، کۆبوونەوەکە کاتژمێر 5ـی ئێوارە ئەنجامدەدرێت و تێیدا تاوتوێی پێشێلکارییەکانی سەر خاکی عێراق دەکرێت.

ئەمەش لە کاتێکدایە، شەوی 7ـی ئەم مانگە بە درۆن هێرش کرایە سەر ئۆتۆمبێلێک و دوو سەرکردەی باڵای هێزە چەکدارەکانی عێراقی تێدا کوژرا، دواتر هێزەکانی ئەمریکا بەرپرسیارێتی خۆیان لە هێرشەکە راگەیاند.

رۆژی 2 لەسەر ٣3ی شوبات ئەمریکا 85 هێرشی بەرفراوانی لەرێگەی فرۆکەی جەنگی بی وەن بیەوە کردە سەر حەوت پێگەی گروپە چەکدارەکان لە عێراق و سووریا.

En az 10 karakter gerekli