لیژنەى ئەمنى پارێزگاى هەولێر ڕایدەگەیەنێت، کەسانێک بە كاروانى زۆرى ئۆتۆمبێل و داپۆشینی جام و ژمارەى ئۆتۆمبێلەکانیان بە وێنه و پۆسته‌ر و دروشم و لۆگۆ بوونەتنە هۆى ناڕه‌حه‌تى و بێزارى هاووڵاتییان. هەر کەس و لایەنێک ئەو جۆرە سه‌رپێچییانە بکات، دەست بەسەر ئۆتۆمبێلەکەى دادەگیرێت.
لیژنەى ئەمنى پارێزگاى هەولێر ڕاگەیاندراوێکی بڵاوکردەوە کە تێیدا هاتووە، چەند شەوێکە لە شەقامە سەرەکیەکانى شار و شوێنە گشتیەکان، کەسانێک بە كاروانى زۆرى ئۆتۆمبێل و داپۆشینی جام و ژمارەى ئۆتۆمبێلەکانیان بە وێنه و پۆسته‌ر و دروشم و لۆگۆ و بەکارهێنانى ئامێرى بێزاركه‌ر، جگە لە دروستکردنى قەرەبالغیەکى زۆر و ئاسته‌نگى هاتووچۆ، بوونەتنە هۆى ناڕه‌حه‌تى و بێزارى هاووڵاتییان.
لە ڕاگەیەندراوەکەی لیژنەى ئەمنى پارێزگاى هەولێردا هاتووە، ئاگادارى هەموو لایەک دەکەینەوە لە ئەمڕۆوە تاکوو دەرکردنى بڕیاریى پێویست لە بارەى بانگه‌شه‌ى هه‌ڵبژاردن، لە سنوورى پارێزگاى هەولێر بەهیچ شێوەیەک ئەو کارانە ڕێگە پێدراو نییە، ( پۆلیسى هاتووچۆ، ئاسایش، پۆلیس ) دەستکراوە کراون بۆ وەرگرتنى ڕێکارى یاسایی لە بەرامبەر هەر کەس و لایەنێک ئەو جۆرە سه‌رپێچییانە بکات، بەپێچەوانەوە هەرکەسێک پابەند نەبێت دەست بەسەر ئۆتۆمبێلەکەى دادەگیرێت.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
