لە پاریس کەسێک هەڕەشەی خۆتەقاندنەوە دەکات

0

لایک

0

لە نێو کونسوڵخانەی ئێران لە پاریسی پایتەختی فەڕەنسا، کەسێک هەڕەشەی خۆتەقاندنەوە دەکات و پۆلیسیش کونسوڵخانەکەی گەمارۆداوە و هاتووچۆ لە دەوورووبەری باڵەخانەکە قەدەغکراوە.

ئاژانسی رۆیتەرز بڵاویکردەوە، پۆلیسی فەڕەنسا گەمارۆی کونسوڵخانەی ئێران لە پاریس دەدەن، دوای ئەوەی زانیارییان پێگەیشت لەبارەی چوونە ژوورەوەی کەسێک بۆ نێو کونسوڵخانەکە کە هەڕەشەی خۆتەقاندنەوە دەکات.

سەرچاوەیەک لە پۆلیسی فەڕەنسا رایگەیاند، لە کاتژمێر 12:00 بە کاتی ناوخۆ ئەو پیاوە بینراوە کە چووەتە نێو کونسوڵخانەکەوە هەروەها نارجۆکێک و چاکەتێکی بۆمبرێژکراوی لەبەربووە.

لە ئێستادا پۆلیس لە دەوورووبەری کونسوڵخانەکەن و داوایان لە خەڵک کردووە بە هیچ شێوەیەک نزیکی ئەو شوێنە نەبنەوە، لەبەر هۆکاری ئەمنیش خزمەتگوزاری مێترۆ راگیراوە.

تا ئێستا روون نییە کە ئەم رووداوە پەیوەندی بە ناکۆکی و ئاڵۆزییەکانی نێوان ئیسرائیل و ئێران هەبێت، بە تایبەتی دوای ئەوەی لە درەنگانی شەوی رابردوو ئیسرائیل چەند ناوچەیەکی شاری ئەسفەهانی ئێرانی بۆردوومانکرد.