سەرۆكی حكومەتی هەرێمی كوردستان لەهەولێر لەگەڵ سەرپەرشتیاری وەزارەتی دەرەوەی ئێران كۆبووەوەو رایگەیاند: كۆبوونەوەكە زۆر باش بوو.
ئەمڕۆ هەینی، عەلی باقری، سەرپەرشتیاری وەزارەتی دەرەوەی ئێران، بە سەرۆكایەتی شاندێك، گەیشتە هەولێر و لەگەڵ مەسرور بارزانی، سەرۆكی حكومەتی هەرێمی كوردستان، كۆبووەوە.
لەدوای كۆبوونەوەكە، مەسرور بارزانی لە كۆنفرانسێكی رۆژنامەوانیی هاوبەشدا رایگەیاند: بە ناوی خۆم و حكومەت و خەڵكی هەرێمی كوردستان، بە خێرهاتنێكی گەرمی عەلی باقری بۆ بەغدا و هەولێر دەكەم.
وتیشی:” كۆبوونەوەیەكی زۆر باشمان كردو لەسەر پەرەپێدانی پەیوەندیی دوو لایەنەو چۆنیەتی باشتركردنی پەیوەندییە ئابوورییەكانی نێوان ئێران و عێراق، بە تایبەتی هەرێمی كوردستان، هەروەها باشتركردنی سەقامگیری سیاسی لە ناوچەكە، گفتوگۆمان كرد”.
سەرۆكی حكومەتی هرەێم ئاماژەی بەوەشكرد، لە كۆبوونەوەكەدا باسی كێشە و گرفتە ئەمنییەكانی ناوچەكەمان كردو هاوڕابووین لەسەر ئەوەی كە سەقامگیریی ناوچەكە لە بەرژەوەندیی دوو لایەنە و هەموو ناوچەكەدایە.
لە بەرامبەردا، سەرپەرشتیاری وەزارەتی دەرەوەی ئێران رایگەیاند: چارەنووسی هاوبەشمان لەگەڵ هەرێمی كوردستان هەیەو كار لەسەر بەهێزكردنی پەیوەندییەكانی نێوانمان دەكەین.
عەلی باقری وتیشی: “سەقامگیری ناوچەكە، وەستاوەتە سەر هاوكاریی نێوانمان”.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
