ئەمڕۆ کۆتایی بە خولی پێنجەمی پەرلەمانی کوردستان- عێراق دەهات، بەڵام پێشتر بە دەنگی زۆرینە، تەمەنی درێژکرابووەوە. دوای دەستلەکارکێشانەوەی فراکسیۆنەکانی یەکگرتووی ئیسلامیی کوردستان و نەوەی نوێ، ئەمڕۆ فراکسیۆنی کۆمەڵی دادگەری و پێنج پەرلەمانتاری دیکە رایانگەیاند، بڕیاریان داوە بایکۆتی کۆبوونەوەکانی پەرلەمان بکەن.
ئەمڕۆ یەکشەممە 06-11-2022، لە کۆنگرەیەکی رۆژنامەوانیدا، عەبدولستار مەجید، سەرۆکی فراکسیۆنی کۆمەڵی دادگەریی کوردستان بە ناوی ئەو 12 پەرلەمانتارەوە قسەیکرد و وتی، “وەکو ناڕەزاییەک دژی درێژکردنەوەی ئەم خولەی پەرلەمان پێکەوە بڕیاریانداوە بە “کشانەوە و موقاتەعەکردن لە پەرلەمان بۆ ئەوەی نەبینە بەشێک لەوکارە نایاساییەی دەسەڵات دەیکات”.
عەبدولستار مەجید ئەوەشی راگەیاند، ئەوان پێکەوە دەبن و لە داهاتوودا بە هاوبەشی کاردەکەن بۆ ئەوەی زوو هەڵبژاردنی پەرلەمانی کوردستان بەڕێوەبچێت.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
