بافڵ تاڵەبانی، سهرۆكی یهكێتی لهبارهی كوژرانی خامنهیی له پهیامێكدا رایگهیاند، پرسە و سەرەخۆشی و هاوخەمی ئاڕاستەی گەلی ئێران و کەسوکاری دەکەن و “داوا لە جیهان دەکەین هەوڵەکانیان یەکبخەن بۆ کەمکردنەوەی گرژییەکان و گەڕانەوە بۆ دیالۆگ و لێکتێگەیشتنەکان”.
ئهمڕۆ یهكشهممه، ١ت ئاداری ٢٠٢٦، بافڵ جەلال تاڵەبانی له راگهیهندراوێكدا لهبارهی كوژرانی عهلی خامنهیی رایگهیاند، “بەداخەوەین بۆ شەهیدبوونی ئایەتوڵا عەلی خامنەیی، رابەری باڵای کۆماری ئیسلامیی ئێران و سەرکردەی دیاری جیهانیی ئیسلامی، بۆ ئەم ماتەمە پرسە و سەرەخۆشی و هاوخەمی خۆمان ئاڕاستەی گەلی ئێران و کەسوکاری بەڕێزیان دەکەین”.
ئاماژهی بهوهشكردوه، “لەم دەرفەتەدا داوا لە جیهان دەکەین هەوڵەکانیان یەکبخەن بۆ کەمکردنەوەی گرژییەکان و گەڕانەوە بۆ دیالۆگ و لێکتێگەیشتنەکان کە تاکە رێگای سەقامگیرییە لە رۆژهەڵاتی ناوەڕاست”.
سوپای پاسدارانی ئێران له راگهیهندراوێكدا کوژرانی عەلی خامنەیی، رێبەری باڵای وڵاتەکەی پشتڕاستکردەوە و رایگهیاند، “شەهیدبوونی سالاری شەهیدانی شۆڕشی ئیسلامی و نائیبی بەهەقی حەزرەتی وەلیعەسر، ئیمام خامنەیی لە مانگی پیرۆزی رەمەزاندا، لە ئوممەتی ئیسلام و گەلی گەورەی ئێران پیرۆزبایی و سەرەخۆشی دەکەین”.
1
دابەشكردنی مووچە دەستپێدەكاتەوە
2
نێچیرڤان بارزانی: نابێت مووچە بکرێتە بارمتەی سیاسی
3
کۆنگرەی 14ـی پارتی؛ ناوی ئەندامانی کۆمیتەی ناوەندی راگەیەندرا
4
سەرۆکایەتی هەرێم: نابێت ههرێمى كوردستان بكرێته گۆڕهپانى يهكلاییكردنهوهى ململانێكانی لایەنە ناکۆکەکان
5
لیستی هاوپەیمانی تورکمانی: لەناوبردنی سیستەمی کۆتا جێگای قەبوڵ نییە و هەڵوێستی توندمان دەبێت
