ئه‌نجومه‌نی وه‌زیران رەوشی پێكهاتەکان لە هەرێم تاوتوێ دەکات
  • TEBA KURDİ
  • عێراق
  • ئه‌نجومه‌نی وه‌زیران رەوشی پێكهاتەکان لە هەرێم تاوتوێ دەکات

ئه‌نجومه‌نی وه‌زیران رەوشی پێكهاتەکان لە هەرێم تاوتوێ دەکات

تشرینی یه‌كه‌م 11, 2023 11:10
ئه‌نجومه‌نی وه‌زیران رەوشی پێكهاتەکان لە هەرێم تاوتوێ دەکات
0

لایک

ئه‌نجومه‌نی وه‌زیرانی هه‌رێمی كوردستان، ئه‌مڕۆ چوارشه‌ممه‌ كۆبوونه‌وه‌ی ئاسایی خۆی ئه‌نجامده‌دات و به‌گوێره‌ی كارنامه‌ی كۆبونه‌وه‌كه‌ش، ڕه‌وشی پێكهاته‌كان له‌ هه‌رێمی كوردستان تاوتوێ دکرێت.


به‌گوێره‌ی راگه‌یه‌ندراوێكی فه‌رمانگه‌ی میدیا و زانیاری، ئه‌مڕۆ چوارشه‌ممه‌ ئه‌نجومه‌نی وه‌زیرانی هه‌رێمی كوردستان، به‌ سه‌رپه‌رشتیی مه‌سرور بارزانی سه‌رۆك وه‌زیرانی هه‌رێم و به‌ ئاماده‌بونی قوباد تاڵه‌بانی، جێگری سه‌رۆك وه‌زیران كۆده‌بێته‌وه‌.

له‌ بڕگه‌ی یه‌كه‌می كۆبونه‌وه‌كه‌دا دواهه‌نگاو و به‌ره‌وپێشچونه‌كانی وردبینیكردنی ژماره‌ی مووچه‌خۆرانی هه‌رێمی كوردستان له‌لایه‌ن تیمی هاوبه‌شی دیوانی چاودێریی داراییی فیدڕاڵی و هه‌رێم ده‌خرێته‌ڕوو.

له‌ بڕگه‌ی دوه‌می كۆبوونه‌وه‌كه‌دا بابه‌تی ده‌ستپێكردنه‌وه‌ی هه‌نارده‌ی نه‌وتی هه‌رێمی كوردستان له‌ ڕێگه‌ی به‌نده‌ری جه‌یهان و دواپه‌ره‌سه‌ندنه‌كانی ئه‌م پرسه‌ له‌ نێوان عێراق و توركیا باس و گفتوگۆی لێوه‌ ده‌كرێت.

بڕگه‌ی سێیه‌می كۆبوونه‌وه‌كه‌ تایبه‌ت به‌ خستنه‌ڕووی ڕاپۆرتێك سه‌باره‌ت به‌ ڕه‌وشی پێكهاته‌كان له‌ هه‌رێمی كوردستان ده‌بێت.

En az 10 karakter gerekli