ئیسرائیل هێرشی مووشەکی کردە سەر پایتەختی سووریا

ئیسرائیل هێرشی مووشەکی کردە سەر پایتەختی سووریا

ئاژانسی هەواڵی فەرمی سووریا، رایگەیاند، ئیسرائیل سەرلەبەیانی ئەمڕۆ هێرشی مووشەکیی کردووەتە سەر ناوچەکانی دەوروبەری دیمەشق، بەهۆیەوە دوو سەربازی سووریا برینداربوون.

ته‌مموز 19, 2023 10:49
ئیسرائیل هێرشی مووشەکی کردە سەر پایتەختی سووریا
0

لایک


ئاژانسی هەواڵی فەرمی سووریا “سانا” لە زاری سەرچاوەیەکی سەربازییەوە رایگەیاندووە، “بەرەبەیانی ئەمڕۆ چوارشەممە، ئیسرائیل لە باکووری جۆلان، هێرشێکی مووشەکی کردە سەر دەورووبەری دیمەشقی پایتەختی سووریا و بەوهۆیەوە دوو سەربازی سووریا بریندار بوون.

ئاماژەی بەوەشکرد، “بەرگرییە ئاسمانییەکانی سووریا زۆربەی مووشەکەکانی ئیسرائیلیان خستووەتە خوارەوە”.

لای خۆیەوە روانگەی سووریا بڵاویکردەوە کە “مووشەکەکانی ئیسرائیل شوێنە سەربازییەکانی نزیک فڕۆکەخانەی ئەلدیماس و ناوچەی ئەلسەبورەیان کردووەتە ئامانج، کە لیواکانی فیرقەی چوار و کۆگاکانی حزبوڵای لوبنان لە ناوچەکەدا هەن”.

لە ماوەی ساڵانی رابردوودا ئیسرائیل سەدان هێرشی ئاسمانی بۆ سەر سووریا ئەنجامداوە و شوێنەکانی سوپای سووریا و ئامانجەکانی حزبوڵای ئێران و لوبنانی کردووەتە ئامانج، لەوانەش کۆگاکانی چەک و تەقەمەنی لە ناوچە جیاوازەکاندا.

En az 10 karakter gerekli