عێراق ڤیزای لەسەر هاووڵاتییانی تورکیا هەڵگرت

0

لایک

0

باسم عەوادی، وتەبێژی حکومەتی عێراق رایگەیاند، هاوڵاتییانی خوار تەمەن 15 ساڵ و سەروو 50 ساڵی تورکیا ڤیزایان لەسەر هەڵدەگیرێت کاتێک دێنە عێراق.

باسم عەوادی، وتەبێژی حکومەتی عێراق لە راگەیەندراوێكدا ئاماژەی بەبڕیارەکانی ئەمڕۆی ئەنجومەنی وەزیرانی عێراق کردووە و رایگەیاندووە، کۆتایی ساڵی 2024 دوایین وادەیە بۆ چارەسەرکردنی ئەو گرفتانەی لە لیستی مووچەی فەرمانبەرانی هەرێمی کوردستاندا دروستبووە، دەبێت حکومەتی هەرێمی کوردستان پابەند بێت بەدروستکردنی بایۆمەتری بۆ فەرمانبەرانی خۆی.

وتیشی، بڕیاریاندا بە خەرجکردنی بڕە پارەی مووچە بۆ فەرمانبەرانی هەرێمی کوردستان، ئەوانەی بایۆمەترییان نییە.

وتەبێژی حکومەتی عێراق لەبارەی هەڵگرتنی ڤیزای وڵاتەكەی لەسەر هاوڵاتییانی توركیا جەختی لەوەكردووەتەوە، عێراق ڤیزای لەسەر دوو تەمەن بۆ هاوڵاتییانی تورکیا هەڵگرت، ئەوانیش خوار تەمەن 15 ساڵ و سەروو 50 ساڵ ڤیزایان لەسەر هەڵدەگیرێت کاتێک دێنە عێراق.