پەرلەمانتاری پارتی دیموكراتی كوردستان لە لیژنەی نەوت و غاز لە پەرلەمانی عیراق رایدەگەیەنێت، رەزامەندی وەرگیراوە بۆ ئەوەی نەوتی سپیی ماڵان بۆ هەرێم دابین بكرێت و هەر خێزانێك بەرمیلێك نەوت وەردەگرێت. دەشڵێ، تا هەفتەی داهاتوو دەگات.
سەباح سوبحی، پەرلەمانتاری پارتی لە پەرلەمانی عیراق، بە ماڵپەڕی فەرمیی حزبەكەی راگەیاندووە:”بە شێوەیەكی فەرمی داوا لە حكوومەتی عێراق و وەزارەتی نەوتی عێراق كراوە بۆ دابینكردنی نەوتی سپـــــیی ماڵان و وەزیری نەوتی عێراقیش بە نووسراوی فەرمی رەزامەندیی نیشان داوە، بۆ ئەوەی هاوشێوەی پارێزگاكانی عێراق نەوتی سپیی ماڵان بۆ هەرێمیش دابین بكرێت”.
بە وتەی سەباح سوبحی:”ئێستا تەنها لەسەر ئەوە ماوە نەوت بەپێی رێژەی دانیشتووانی هەرێم ئامادە بكرێت و دواتریش دەست بە رەوانەكردنی بۆ هەرێم بكرێت، بۆیە چاوەڕێ دەكرێت ئەم هەفتەیە یاخود تا هەفتەی داهاتوو نەوتەكە بگاتە هەرێم”.
پەرلەمانتارەكەی پارتی دەڵێت:”ئێستا دابینكردنی نەوتەكە لەلایەن عێراقەوە دەستی پێكردووە و ئێمە گوشار دەكەین بۆ ئەوەی كۆتایی ئەم هەفتەیە بگات و ئەگەر نەشگەیشت هەفتەی داهاتوو 100% نەوتی سپیی ماڵان دەگاتە هەرێم و ئەمساڵ نەوت بەسەر هەموو ماڵێكدا دابەش دەكرێت، كە بۆ هەر خێزانێك بەرمیلێك نەوت دەبێت”.
1
دابەشكردنی مووچە دەستپێدەكاتەوە
2
نێچیرڤان بارزانی: نابێت مووچە بکرێتە بارمتەی سیاسی
3
سەرۆکایەتی هەرێم: نابێت ههرێمى كوردستان بكرێته گۆڕهپانى يهكلاییكردنهوهى ململانێكانی لایەنە ناکۆکەکان
4
کۆنگرەی 14ـی پارتی؛ ناوی ئەندامانی کۆمیتەی ناوەندی راگەیەندرا
5
لیستی هاوپەیمانی تورکمانی: لەناوبردنی سیستەمی کۆتا جێگای قەبوڵ نییە و هەڵوێستی توندمان دەبێت
