ئەندامێكی ئەنجومەنی نوێنەرانی عێراق رایدەگەیەنێت، چاوەڕواندەكرێت وەزارەتی دارایی عێراق لەگەڵ خەرجكردنی مووچەی مانگی 10ی فەرمانبەرانی عێراقدا بڕیاری خەرجكردنی 700 ملیار دینارەكە بۆ مووچەی فەرمانبەرانی هەرێم بدات، بەڵام تەواوكردنی رێكارە كارگێڕی و داراییەكان چەند رۆژێكی دەوێت.
غەریب ئەحمەد ئەندامی ئەنجومەنی نوێنەرانی عێراق لە لێدوانێكدا بە میدیاکانی راگەیاند، حكومەتی عێراق لە 18ی هەموو مانگێكەوە دەست بە دابەشكردنی مووچە دەكات و لە 25ی مانگدا كۆتایی بە دابەشكردنی مووچە دەهێنێت و چاوەڕواندەكرێت ئەو 700 ملیار دینارەی وەكو قەرز بۆ مووچەی مووچەخۆرانی هەرێم رەوانەدەكرێـت لەگەڵ مووچەی مانگی 10ی مووچەخۆرانی عێراقدا بڕیاری ناردنی بۆ دەربكرێت، بەڵام رێكارە كارگێڕی و داراییەكان چەند رۆژێكی دەوێت.
ئاشكراشیكرد، حكومەتی هەرێم بە داهاتی ناوخۆ و قەرزەكەی بەغداد مووچە دابەشدەكات و بڕیاری كۆتایی لەسەر كاتی دابەشكردنی مووچە دەدات.
