ئەمڕۆ دەنگی بەشێک لە سندووقەکان بە دەست هەژمار دەکرێنەوە
  • TEBA KURDİ
  • عێراق
  • ئەمڕۆ دەنگی بەشێک لە سندووقەکان بە دەست هەژمار دەکرێنەوە

ئەمڕۆ دەنگی بەشێک لە سندووقەکان بە دەست هەژمار دەکرێنەوە

كانونی یه‌كه‌م 21, 2023 10:14
ئەمڕۆ دەنگی بەشێک لە سندووقەکان بە دەست هەژمار دەکرێنەوە
0

لایک

112 سندووقى دەنگدانى گشتى و تایبەتى هەڵبژاردنى ئەنجوومەنى پارێزگا لە کەرکووک بە دەستى دەژمێردرێنەوە، کە پێشتر نەتواندراوە زانیاریى دەنگدانى لێ رابکێشرێت، یان بگوێزرێتەوە بۆ ناوەندى سەرەکیى کۆمیسیۆن لە بەغداد، کە نزیکەى 20 هەزار دەنگیان تێدایە.

بڕیارە ئەمڕۆ پێنجشەممە 21ى کانوونى یەکەمى 2023، زیاتر لە هەزار سندووقى دەنگدانى هەڵبژاردنى ئەنجوومەنى پارێزگاکان لە ناوەندى سەرەکیى کۆمیسیۆن لە پارێزگاکان بە دەستى بژمێردرێنەوە، کە لە دەنگدانى گشتى و تایبەتدا نەتواندراوە زانیارییەکانى ئەنجامى دەنگدانى بە شێوەى ئەلیکترۆنى لێوە بگوێزرێتەوە بۆ ناوەندى نیشتمانیى کۆمیسیۆن لە بەغدا یان بدرێتە بریکارى لیست و لایەنە سیاسییەکانى بەشدار لە هەڵبژاردن لە هەردوو رۆژى دەنگدانەکەدا.

عەبدولباست دەروێش، بەرپرسی راگەیاندنى ئۆفیسی کەرکووکی کۆمیسیۆنى باڵاى سەربەخۆى ھەڵبژاردنەکانى عێراق بە میدیاکانی راگەیاند، لە سنوورى کەرکووک 112 سندووقى دەنگدان لە ناوەندى سەرەکیى کۆمیسیۆن لە کەرکووک جیاکردنەوە و ژماردنەوەى دەستیى دەنگەکانیان بۆ دەکرێت.

عەبدولباست دەروێش وتیشى، “لەو 112 سندووقە، 110 سندووقی دەنگدانى تایبەتە و دوو سندووقەکەى دیکەش بۆ دەنگدانى گشتییە.”

18ی ئه‌م مانگه‌ هه‌ڵبژاردنی ئه‌نجومه‌نی پارێزگاكانی عێراق له‌ 15 پارێزگا به‌ڕێوه‌چو، كه‌ 143 هاوپه‌یمانی پێكهێنرابو و پێنج هه‌زار و 898 كاندید هه‌بون، به‌گوێره‌ی ئاماره‌كانی كۆمسیۆنی باڵای هه‌ڵبژاردنه‌كان، 16 ملیۆن و 887 كه‌س مافی ده‌نگدانیان هه‌بوه‌ و كارتی بایۆمه‌تریان ته‌واوكردوه‌ و رێژه‌ی به‌شداریش 41% بوه‌ له‌ سه‌رانسه‌ری عێراقدا.


كۆمسیۆنی باڵای هه‌ڵبژاردنه‌كانی عێراق ده‌ڵێت، نزیكه‌ی دو هه‌زار وێستگه‌ی ده‌نگدان ماون و هێشتا جیاكردنه‌وه‌یان بۆ ده‌كرێت، واتا تا ئێستا توانراوە 94.4%ی ئه‌نجامه‌كان جیابكرێنه‌وه‌.

En az 10 karakter gerekli