هاوپه‌یمانی ئیداره‌ی ده‌وڵه‌ت: دەبێت یاسای نه‌وت و غاز دەرچێت
  • TEBA KURDİ
  • عێراق
  • هاوپه‌یمانی ئیداره‌ی ده‌وڵه‌ت: دەبێت یاسای نه‌وت و غاز دەرچێت

هاوپه‌یمانی ئیداره‌ی ده‌وڵه‌ت: دەبێت یاسای نه‌وت و غاز دەرچێت

ئاب 9, 2023 08:56
هاوپه‌یمانی ئیداره‌ی ده‌وڵه‌ت: دەبێت یاسای نه‌وت و غاز دەرچێت
0

لایک

محەمەد شیاع سوودانی، سه‌رۆكوه‌زیرانی عێراق میوانداری كۆبوونه‌وه‌ی خولی هاوپه‌یمانی ئیداره‌ی ده‌وڵه‌ت ده‌كات و تێیدا جه‌خت له‌ ده‌رچوونی یاسای نه‌وت غاز كرایه‌وه‌.

 

به‌ گوێره‌ی راگه‌یه‌ندراوی نووسینگه‌ی سه‌رۆكوه‌زیرانی عێراق، محه‌ممه‌د شیاع سوودانی میوانداری كۆبوونه‌وه‌ی خولی هاوپه‌یمانی ئیداره‌ی ده‌وڵه‌تی كرد.

 

لەکۆبوونەوەکەدا دۆخی گشتی عێراق و ژماره‌یه‌ك دۆسییه‌ی ئابووری، سیاسی و قۆناغه‌كانی جێبه‌جێكردنی به‌رنامه‌كانی حكومه‌تی عێراق، تاووتوێكران.

 

ئاماژە بەوە کراوە، له‌ كۆبوونه‌وه‌ی هاوپه‌یمانی ئیداره‌ی ده‌وڵه‌ت،  به‌ ئاماده‌بوونی هێزه‌ سیاسییه‌كان، به‌رپرسان له‌ وه‌زاره‌تی نه‌وتی عێراق، سامانه‌ سرووشتییه‌كانی هه‌رێمی كوردستان و پسپۆرانی یاسایی،  جه‌خت له‌ ده‌رچوونی پڕۆژه‌ یاسای نه‌وت و غاز كرایه‌وه‌، بۆ ئه‌وه‌ی له‌ ئه‌نجوومه‌نی وه‌زیرانی عێراق گفتوگۆی له‌باره‌وه‌ بكرێت و دواتر له‌ په‌رله‌مان په‌سه‌ند بكرێت.

 

هه‌روه‌ها له‌ كۆبوونه‌وه‌كه‌، تیشكخرایه‌سه‌ر هه‌نگاوه‌كانی حكومه‌تی عێراق له‌پێناو سه‌قامگیری بازاڕی دراو و هه‌وڵه‌كان بۆ ده‌ستگیركردنی ئه‌و كه‌سانه‌ی بازاڕی دراو ده‌شێوێنن.

 

جه‌ختیش له‌سه‌ر داخستنی ده‌روازه‌ سنوورییه‌ نافه‌رمییه‌كان كرایه‌وه‌.

 

 

En az 10 karakter gerekli