دوای ئەوەی حکومەتی سوێد رەزامەندیی لەسەر بەڕێوەچوونی خۆپێشاندانێک لەبەردەم باڵیۆزخانەی عێراق لە سوید دەربڕی بۆ سووتاندنی قورئانی پیرۆز و ئاڵای عێراق، خۆپێشاندەران جارێکی دیکە هەڵیانکوتایە سەر باڵیۆزخانەی سوید و بەرەبەیانیی ئەمڕۆ سووتاندیان.
لە راگەیەندراوێکدا وەزارەتی دەرەوەی سوید رایگەیاندووە، “هەڵکوتانە سەر باڵیۆزخانەکەمان لە بەغداد دەستدرێژییە و عێراق بەرپرسیارە لە پاراستنی نێردە دیپلۆماسی و کارمەندەکانمان. دەستدرێژییە بۆسەر رێککەوتنی ڤییەنای تایبەت بە نێردە دیپلۆماسییەکان”.
هاوکات وەزارەتی دەرەوەی عیراق بە توندی ئیدانەی هەڵکوتانە سەر باڵیۆزخانەی سویدی لە بەغداد کرد و بە دەستدرێژی بۆسەر کاری دیپلۆماسی وەسفکرد.
وەزارەتی دەرەوەی عێراق لایەنە پەیوەندیدارەکانیشی راسپارد لێکۆڵینەوە لەو رووداوە بکەن و بکەرانی کارەکە دەستگیربکەن.
