حکومەتی هەرێمی کوردستان تانە لە چەند ماددەیەکی بودجەی گشتی عێراق دەدات.
سەرچاوەیەک لە حکومەتی هەرێم بە میدیاکانی راگەیاند، حکومەت لە رێگەی تیمێک لە پارێزەرانییەوە لە تانەی لە ماددەکانی 2، 11، 12، 13ـی بودجەی گشتی عێراق داوە.
ئاماژەی بەوەش داوە، تانەکە کاریگەری لەسەر ناردنی پشکی هەرێمی کوردستان بۆ موچەی فەرمانبەران ناکات.
باس لەوەش کراوە، لە 12ـی تەممووزی 2023، حکومەتی هەرێمی کوردستان، لە دادگای فیدراڵی سکاڵای دژی ئەو بڕگە و ماددانەی بودجە تۆمارکردووە.
