عەلی حەمە ساڵح: هیچ پارەیەک بۆ گەڕانەوەی پاشەکەوتی مووچە لە بودجە تەرخان نەکراوە
  • TEBA KURDİ
  • عێراق
  • عەلی حەمە ساڵح: هیچ پارەیەک بۆ گەڕانەوەی پاشەکەوتی مووچە لە بودجە تەرخان نەکراوە

عەلی حەمە ساڵح: هیچ پارەیەک بۆ گەڕانەوەی پاشەکەوتی مووچە لە بودجە تەرخان نەکراوە

ئایار 9, 2023 11:25
عەلی حەمە ساڵح: هیچ پارەیەک بۆ گەڕانەوەی پاشەکەوتی مووچە لە بودجە تەرخان نەکراوە
0

لایک

عەلی حەمەساڵح ئەندامی دەستلەکارکێشاوەی پەرلەمانی کوردستان-عێراق رایگەیاند، لە راپۆرتی لیژنەی دارایی بۆ پەسەندکردنی بودجەی عێراق، هیچ بڕە پارەیەک بۆ گەڕانەوەی پاشەکەوتی مووچەی فەرمانبەرانی هەرێمی کوردستان تەرخاننەکراوە، لەکاتێکدا داواکە زۆر رەوا بوو، بەڵام بە ڕێگای دروست کاری بۆ نەکرا و زیاتر بۆ میدیا بوو.

عەلی حەمەساڵح لەهەژماری تایبەتی خۆی لەتۆڕی کۆمەڵایەتی فەیسبوک نووسیویەتی، “لیژنەی دارایی پەرلەمانی عێراق راپۆرتی کۆتایی بۆ پەسەندکردنی بودجە پێشکەش بە دانیشتنی پەرلەمانی عێراق دەکات، هەرچەندە هەندێک لە پەرلەمانتار وتیان، نوسراومان کردووە بۆ گەڕانەوەی پاشەکەوت و ئاراستەی لیژنەی دارایی کراوە، بەڵام هیچ تەرخانکراوێکی پارە بۆ ئەم بابەتە بوونی نیە”.

دەشڵێت، “ئەم داواکاریە زۆر رەوا بوو، جێی دەستخۆشی بوو، بەڵام شێوازەکەی هەڵە بوو، چونکە هیچ بڕە پارەیەک ئەم بابەتە تەرخاننەکراوە، بۆیە لیژنەی دارایی پەرلەمانی عێراق لە راپۆرتی بودجەدا جێگەیان نەکردووەتەوە، دەبوو سەرەتا کار لەسەر تەرخانکراو بکرێت”.

ئاماژەی بەوەشکردوە، “لە بودجەی عێراق مانگانە 885 ملیار دینار بۆ مووچەی فەرمانبەرانی هەرێم تەرخانکراوە، پارەی پێویستیش بۆ مووچە 910 ملیار دینارە، واتە 25 ملیار کورتهێنان هەیەو دەبێت حکومەتی هەرێم پڕی بکاتەوە”.

En az 10 karakter gerekli