لەراگەیەندراوێکدا وەزارەتی دەرەوەی ئێران ئاماژەی بە کۆتاییهاتنی پێکدادانەکانی بەغداد لەنێوان لایەنە چەکدارەکان و لایەنگرانی موقتەدا سەدر داوە و تێیدا باسی لەوەکردووە کە تاکە چارەسەر بۆ دەربازبوونی عێراق لە قەیرانەکان، پشتبەستنە بە دیالۆگ و پاراستنی مافی هاووڵاتییان.
هاوکات لە راگەیەندراوەکەدا باس لەوەشکراوە کە پێویستە رێز لە دامودەزگاکانی حکومەت بگیرێت، هەموو لایەنەکان پابەندی دەستوور و رێکارە سیاسییەکان بن. لە راگەیەندراوەکەدا جەخت لەوەشکراوەتەوە کە هەموو لایەنەکان هەوڵ بدەن بۆ پێکهێنانی حکومەتێکی نوێ و بەرپرسیارییەتی سەر شانی خۆیان هەڵبگرن و بەشدارییەکی بنیاتنەرانەیان هەبێت.
لەراگەیەندراوەکەدا ئەوەش هاتووە، “داوا لەسەرجەم رەوتە سیاسییەکان و کەسایەتی و خوازیارانی چەسپاندنی ئاسایش و سەقامگیری لەعیراق دەکەین بۆ بەدواداچوونی هەموو داواکارییەکانیان لەرێگەی یاساو کەناڵە یاساییەکانەوە لەچوارچێوەی ڕێزگرتن لەماف و داخوازییەکانی یەکتر لەچوارچێوەی پرۆسەیەکی ئاشتی”.
دوا بە دوای پێکدادانە چەکدارییەکانی دوێنێ و پێێی بەغداد، لەسەر وتارێکی موقتەدا سەدر، رێبەری رەوتی سەدر، سەرجەم خۆپیشاندەران لە ناوچەی سەوز کشانەوە و کۆتایی بە مانگرتنیان هێنا.
