فڕۆکه‌خانه‌ی نێوده‌وڵه‌تی سلێمانی رایگەیاند، بەهۆی ئەو شەپۆلی خۆڵبارینەی ماوەی کاتژمێرێکە بەچڕی رووی لە ناوچەکە کردووە و کە بووەتەهۆی کەمبوونەوەی مەودای بینین، بۆیە گه‌شته‌کانی فڕۆکه‌خانه‌ی نێوده‌وڵه‌تی سلێمانی بۆ ماوه‌یەکی کاتی راگیراون.
ئەمڕۆ دووشەممە، فڕۆکەخانەی سلێمانی لە راگەیەنراوێکدا ئاماژەی بەوەکردووە، “به‌هۆی ئه‌و شەپۆلی خۆڵبارینەی عێراق و ناوچەکانی هه‌رێمی کوردستان و پارێزگای سلێمانی گرتووه‌ته‌وه، ئاست و ماوەی بینین بەشێوەیەکی بەرچاو کەمبووەتەوە”.
ئەوەش هاتووە، بۆیە لە ئێستادا گه‌شته‌کانی فڕۆکه‌خانه‌ی نێوده‌وڵه‌تی سلێمانی بۆ ماوه‌یەکی کاتی راگیراون و لەکاتی ئاسایی بوونەوەی شەپۆلی خۆڵبارینەکە گەشتەکان ئاسایی دەبنەوە.
جێی باسە، شەوی رابردوو دەستەی کەشناسی عێراق رایگەیاند، لە سبەینێوە شەپۆلێکی چڕی خۆڵبارین زۆرینەی پارێزگاکانی عێراق دەگرێتەوە و لە هەرێمیش تۆز و خۆڵێکی سووک بەرزدەبێتەوە.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
