گرێبەستەکەی ئیبراهیمۆڤیج بۆ ساڵێکی دیکە درێژکرایەوە
  • TEBA KURDİ
  • وەرزش
  • گرێبەستەکەی ئیبراهیمۆڤیج بۆ ساڵێکی دیکە درێژکرایەوە

گرێبەستەکەی ئیبراهیمۆڤیج بۆ ساڵێکی دیکە درێژکرایەوە

كانونی دووه‌م 31, 2023 20:43
گرێبەستەکەی ئیبراهیمۆڤیج بۆ ساڵێکی دیکە درێژکرایەوە
0

لایک

یانەی ئەی سی میلان-ی ئیتاڵی رایگەیاند، گرێبەستی گۆڵکاری یانەکە و ئەستێرەی تۆپی پێی سویدی زلاتان ئیبراهیمۆڤیچ-ی بۆ ماوەی یەک ساڵ درێژ کردووە.

لەراگەیەندراوێکدا یانەی ئەی سی میلان ـی ئیتاڵی ئاماژەی بەوەکردووە کە گرێبەستی یاریزانە تەمەن 40 ساڵییەکەیان بۆ ماوەی یەک وەرز درێژ کردووەتەوە و ئیبراهیمۆڤیچ تاکو 30ـی حوزەیرانی 2023 بەردەوام دەبێت لە پۆشینی درێسی ژمارە 11ـی یانەی میلان.

زلاتان ئیبراهیمۆڤیچ، لە وەرزی رابردوودا لە 27 یاریدا درێسی میلانی پۆشیبوو و بە تۆمارکردنی هەشت گۆڵ کاریگەرییەکی گەورەی لە بردنەوەی نازناوی سێری ئا بۆ میلان هەبوو.

ئیبراهیمۆڤیچ، دوای کۆتایی هاتنی وەرزەکە و لە کۆتایی مانگی ئایاردا نەشتەرگەرییەکی بۆ ئەژنوی چەپی ئەنجامدا و ئەوە راگەیەندرابوو کە بۆ ماوەی حەوت بۆ هەشت مانگ لە یاریگاکان دوور دەکەویتەوە.