گرفتەكانی بەردەم ئامادەكردنی پڕۆژەیاسای بودجەی 2023ی عیراق ئاشكرا دەبێت
  • TEBA KURDİ
  • عێراق
  • گرفتەكانی بەردەم ئامادەكردنی پڕۆژەیاسای بودجەی 2023ی عیراق ئاشكرا دەبێت

گرفتەكانی بەردەم ئامادەكردنی پڕۆژەیاسای بودجەی 2023ی عیراق ئاشكرا دەبێت

كانونی دووه‌م 31, 2023 20:40
گرفتەكانی بەردەم ئامادەكردنی پڕۆژەیاسای بودجەی 2023ی عیراق ئاشكرا دەبێت
0

لایک

تائێستا حكومەتی نوێی عیراق ئامادەكارییەكانی بۆ پرۆژەیاسای بودجەی گشتیی 2023 تەواو نەكردووە، راوێژكارێكی ئەنجومەنی نوێنەرانیش هۆكارەكەی بۆ پشكی پارێزگاكان و پڕۆژە جیاجیاكان دەگەڕێنێتەوە، كە بوونەتە رێگ لەبەردەم تەواوكردنی پڕۆژەیاساكە.

سەباح كەربولی، راوێژكارێكی یاسایی لەئەنجومەنی نوێنەرانی عیراق، لە لێدوانێكی  رۆژنامەوانیدا رایگەیاند، بەهۆی رێكنەكەوتن لەسەر پڕۆژەكان و پشكی پارێزگاكان لە پڕۆژەیاسای بودجەی 2023، تائێستا حكومەت نەیتوانیوە پڕۆژەیاساكە ئامادە بكات و رەوانەی پەرلەمانی بكات.

وتیشی:” گوشارێكی زۆر لەلایەن نوێنەری پارێزگاكان هەیە بۆ چەسپاندنی زۆرترین پرۆژە بۆ پارێزگاكانیان لە پڕۆژەیاسای بودجەی 2023، حكومەتیش دەیەوێت بەشێویەكی دادپەروەرانە پڕۆژەكان بەسر پارێزگاكاندا دابەشبكات و بەپێی پێویستیی هەر پارێزگایەک”.

ئەو راوێژكارە یاساییەی پەرلەمان، پێشبینی كرد، حكومەتەكەی محەمەد شیاع سودانی بتوانێت تا هەفتەی داهاتوو، پڕۆژەیاسای بودجە ئامادە بكات و رەوانەی پەرلەمانی بكات، بۆ ئەوەی بەزووترین كات پەسەند بكرێت و تێپەڕێندرێت.

مەزەندەشی كرد، بودجەی 2023ی عیراق بڕەكەی لەنێوان 160 ملیار بۆ 180 ملیار دۆلار بێت، ئەمەش گەورەترین بودجەی گشتیی ساڵانەیە لە عێراقدا.