دەستەی گشتیی کەشناسیی و بوومەلەرزەزانیی عێراق رایدەگەیێنێت، لە 19ـی ئەم مانگەوە کە دەکاتە سێشەممەی داهاتوو، خۆڵبارین لە عێراق دەستپێدەکاتەوە و تاکو رۆژی دواتر بەردەوام دەبێت.
ئەوەش هاتووە، بەهۆی وشەکەساڵی، گۆڕانی کەشوهەوا، کەمی رێژەی بارانبارین و تێکچوونی خاکی عێراق، پێشبینیدەکرێت هاوینی ئەمساڵ لەچاو ساڵانی رابردوو گەرمتر بێت. هەروەها گەرمای بە تینتر و خۆڵبارینی زیاتر روو لە عێراق بکەن.
جێی باسە، بەراورد بە ساڵانی رابردوو خۆڵبارین لە چەندین ناوچەی عێراق زیاتر دەبێت، بەڵام کاریگەریی خۆڵبارین لەسەر ناوچەکانی هەرێم کەمتر دەبێت.
