بەگوێرەی پێشبینییەکانی کەشناسی شەپۆلێکی بەفر و بارانبارین هەرێم دەگرێتەوە و پلەی گەرماش دادەبەزێت.
بەشی پێشبینییەکانی کەشناسی هەرێم رایگەیاند، ئەمڕۆ ئاسمان هەوری تەواو دەبێت لەگەڵ بارینی نمە باران لە هەندێک شوێن، لە کاتەکانی شەودا رێژەی دابارین زیاتر دەبێت و لە ناوچە شاخاوییەکان بەفری لەگەڵدایە و ئەگەرى هەیە بەفر بارین سەنتەری پارێزگای سلێمانی و هەڵەبجە بگرێتەوە.
سەبارەت بە کەشوهەوای سبەی کەشناسی پێشبینی دەکات، ئاسمان هەوری تەواو دەبێت لەگەڵ بارینی نمە باران لە هەندێ شوێن، لە ناوچە شاخاوییەکان بەفر و باران دەبێت و لەکاتەکانی شەودا ئەگەر هەیە بەفربارین سەنتەری شاری سلێمانی بگرێتەوە.
بەرزترین پلەکانی گەرمای پێشبینیکراو بە پلەی سیلیزی:
هەولێر : 13
سلێمانی : 11
دهۆک : 12
هەڵەبجە : 11
