پۆلیسی بەسرە رایگەیاند، ئەمڕۆ پێنجشەممە، کەسێک بە تۆمەتی فڕۆشتنی بلیتی یاریی جامی خەلیج 25 دەستگیرکراوە.
بەڕێوەبەرایەتی پۆلیسی پارێزگای بەسرە لە بەیاننامەیەکدا رایگەیاندووە، “دوای بەدەستگەیشتنی زانیاری تەواو لەبارەی تۆمەتبارێک کە هەستابوو بە فڕۆشتنی بلیتی ساختەی یاریی جامی خەلیج 25، توانرا تۆمەتبار لەلایەن هێزەکانی سەربە بەڕێوەبەرایەتی بەشی بەرەنگاربوونەوەی تاوانی بەسرە دەستگیربکرێت”.
ئاماژە بەوەشکراوە، لەمیانی دەستگیرکردنی تۆمەتبارەکە، دەست بەسەر بڕێکی زۆر لە بلیتی چاپکراوی ساختەدا گیرا کە ئامادە کرابوون بۆ فڕۆشتن بە هاندەرانی یاریی جامەکە.
جێی باسە، دوای تەواوکردنی لێکۆڵینەوە یاساییەکان لەگەڵیدا، تۆمەتبار رادەستی لایەنی پەیوەندیدار کراوە.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
