کەرکوک.. لە ئۆپەراسیۆنێکدا 38 تیرۆریست دەستگیرکرا
  • TEBA KURDİ
  • عێراق
  • کەرکوک.. لە ئۆپەراسیۆنێکدا 38 تیرۆریست دەستگیرکرا

کەرکوک.. لە ئۆپەراسیۆنێکدا 38 تیرۆریست دەستگیرکرا

كانونی دووه‌م 31, 2023 20:44
کەرکوک.. لە ئۆپەراسیۆنێکدا 38 تیرۆریست دەستگیرکرا
0

لایک

هێزە ئەمنییەکانی عێراق لە شاری کەرکوک لەمیانی ئۆپەراسیۆنێکی سەربازیدا 38 تیرۆریستی سەر بە رێکخراوی تیرۆریستی داعشی دەستگیرکرد.

لەوبارەیەوە عەلی فەرجی، فەرماندەی ئۆپەراسیۆنەکانی کەرکوک ئاماژەی بەوەدا کە ئۆپەراسیۆنێکی فراوانیان لەدژی رێکخراوی تیرۆریستی داعش دەستپێکردووە و لە ئەنجامدا 38 ئەندامی ئەو رێکخراوە دەستگیرکراوە.

هاوکات فەرجی باسی لەوەش کردووە کەلەمیانی ئۆپەراسیۆنەکاندا ژمارەیەکی زۆر لە چەک و تەقەمەنیی دەستیان بەسەرداگیراوە و 17 بۆمبی ئامادەکراو پوچەڵکراونەتەوە و 8 پێگەش خاپورکراوە.

لە حوزەیرانی ساڵی 2014ـدا رێکخراوی تیرۆریستی داعش توانی شارەکانی مووسڵ و سەلاحەدین و ئەنبار لەگەڵ بەشێک لە پارێزگاکانی دیالە و کەرکوک داگیربکات، دوای 3 ساڵ و لە 9ـی مانگی 12ـی ساڵی 2017 حەیدەر عەبادی، سەرۆکوەزیرانی ئەوکاتی عێراق سەرکەوتنی تەواوی بەسەر داعش راگەیاند. سەرەڕای تێکشکانی داعش، جموجۆڵەکانیان لەو ناوچانە بە بەردەوامی هەیە و ماوە ماوە هێرشی لەناکاو بۆ سەر هێزە ئەمنییەکان ئەنجام دەدەن.