کەرکوک.. زیاتر لە 10 کەس بەتۆمەتی بازرگانیکردن بە ماددە هۆشبەرەکان دەستگیرکران
  • TEBA KURDİ
  • عێراق
  • کەرکوک.. زیاتر لە 10 کەس بەتۆمەتی بازرگانیکردن بە ماددە هۆشبەرەکان دەستگیرکران

کەرکوک.. زیاتر لە 10 کەس بەتۆمەتی بازرگانیکردن بە ماددە هۆشبەرەکان دەستگیرکران

تۆمەتباران بە ماددەی 32 و 28ـی یاسای سزادانی عێراقی رادەستی لایەنی یاسایی کراون و رێکاری پێویستیان بەرامبەر گیراوەتەبەر

كانونی دووه‌م 31, 2023 20:44
کەرکوک.. زیاتر لە 10 کەس بەتۆمەتی بازرگانیکردن بە ماددە هۆشبەرەکان دەستگیرکران
0

لایک

سەرچاوەیەک لە بەڕێوەبەرایەتی گشتی بەرەنگاربوونەوەی ماددە هۆشبەرەکانی کەرکوک بە گرووپی میدیایی تەبای رایگەیاند، سێ کەس بەتۆمەتی بازرگانی کردن بە ماددە هۆشبەرەکان لەلایەن هێزە ئەمنییەکانەوە دەستگیرکراون.

سەرچاوەکە راشیگەیاند، بەپێی رێنماییەکانی لیوا مازن کامل مەنسور، بەڕێوەبەری گشتی بەرەنگاربوونەوەی ماددە هۆشبەرەکان و لێکەوتە ئەقڵییەکان، رێوشوێنی توندی ئەمنی بۆ دەستگیرکردنی ئەو کەسانە گیراوەتەبەر کە دەستیان لە بڵاوەپێکردنی ماددە هۆشبەرەکاندا هەیە لە سنووری پارێزگای کەرکوک.

لەمیانی ئۆپەراسیۆنێکی بەشی بەرەنگاربوونەوەی ماددە هۆشبەرەکان و لێکەوتە ئەقڵییەکان لە کەرکوک بە هەماهەنگی مەفرەزەکانی K9 لە پارێزگاکە، توانرا 11 تۆمەتبار بە بازرگانیکردن بە ماددە هۆشبەرەکان دەستگیربکرێن و دەست بەسەر بڕێکی زۆر لە حەب و ماددەی هۆشبەری هاوشێوەدا بگیرێت.

جێی باسە، تۆمەتبارانیش بە ماددەی 32 و 28ـی یاسای سزادانی عێراقی رادەستی لایەنی یاسایی کراون و رێکاری پێویستیان بەرامبەر گیراوەتەبەر.