لە ئۆپەراسیۆنێکدا لە باکووری شاری کەرکووک، دەست بەسەر 95 ملیۆن حەبی هۆشبەردا گیرا.
بەرپرسی راگەیاندن لە بەڕێوەبەرایەتی پۆلیسی کەرکووک، عامر نوری لە لێدوانێکیدا بۆ ئاژانسی ئانادۆڵو، سەبارەت بە بابەتەکە رایگەیاند کە پۆلیسی شارەکە هەڵمەتێکی بۆسەر کۆگایەکی خۆراک لە باکووری شار ئەنجامداوە.
عامر نوری باسی لەوە کرد کە لەو هەڵمەتەی لەلایەن تیمەکانی نەهێشتنی ماددەی هۆشبەرەوە ئەنجامدراوە، دەست بەسەر 95 ملیۆن حەبی هۆشبەردا گیراوە و لەو هەڵمەتانەی لە ماوەی 24 کاتژمێردا لە کەرکووک ئەنجامدراون، دەست بەسەر 100 ملیۆن حەبی هۆشبەردا گیراوە.
بەرپرسی راگەیاندن لە بەڕێوەبەرایەتی پۆلیسی کەرکووک، عامر نوری وتیشی, ”لە ماوەی ساڵانی رابردوودا، گەورەترین ئۆپەراسیۆنی دژبە ماددەی هۆشبەر لە کەرکووک ئەنجام دەدەین. قاچاغچییەتی ماددەی هۆشبەر لە شارەکەدا رۆژ لە دوای رۆژ لە زیادبووندایە بۆ رێگریکردن لەوەش هەموو هەوڵێکمان خستووەتەگەڕ”.
عامر نوری باسی لە بەردەوامی ئۆپەراسیۆنەکان کرد و ئاماژەی بەوە دا ئەو بڕەی دەستیان بەسەردا گرتووە پێش ئەنجامدانی ئۆپەراسیۆنەکە ئامادەکرابوو رەوانەی بازاڕەکانی کەرکووک و شارەکانی دیکە بکرێت.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
