بڕیارە ئەمڕۆ دووشەممە30-05-2022، نێچیرڤان بارزانی، سەرۆکی هەرێمی کوردستانی عێراق بەشداریی لە کۆنفرانسی ‘ئاشتی لە رێگەی میانڕەویی’ـەوە بکات کە لەلایەن رێکخراوی سپارک و بەهاوبەشی لەگەڵ کۆنسوڵخانەی هۆڵەندا لە هەولێر(ئەربیل) رێکدەخرێت.
ئامانج لە کۆنفرانسەکە، بەرقەراکردنی ئاشتی و رووبەرووبوونەوەی هزریی توندڕەویی و پەڕگیرییە لەنێو کۆمەڵگەدا. هەروەها هەریەک لە مەسرور بارزانی، سەرۆکی حکومەتی هەرێم، رێواز فایەق، سەرۆکی پەرلەمانی کوردستان- عێراق، رێبەر ئەحمەد، وەزیری ناوخۆ و هێمن هەورامی، جێگری سەرۆکی پەرلەمان و چەند بەرپرسێکی دیکەی حکومیی لەسەر ئاستی عێراق و هەرێم بەشداریی لە کۆنفرانسەکە بکەن.
کۆنفرانسەکە کاتژمێر 09:00ـی بەیانیی دەستپێدەکات و تاکو کاتژمێر 05:00ـی ئێوارە دەخایێنێت، جگە لە چەند تەوەرێکی سەرەکی، لە سێ پانێڵ پێکدێت پانێڵی یەکەم لەسەر (پەڕگیری و زیانەکانی). پانێڵی دووەم لەسەر (پلانی کرداریی هەرێمیی بۆ ئاشتی و پاراستنی ئاسایش) و پانێڵی سێیەمیش بە ناونیشانی (شوێنگرەوەی ئەرێنی و لە رێگەی مۆدێلی سەرکەوتوو) پێکدێت.
وەزیرانی حکومەتی هەرێم، دیپلۆمات، شرۆڤەکار و پسپۆڕانی نێودەوڵەتیی، مامۆستایانی زانکۆ، هەروەها ژمارەیەک گەنجیش بەشداریی لە کۆنفرانسەکەدا دەکەن.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
