کۆنسوڵخانەی ئەمریکا لە هەولێر(ئەربیل) لە راگەیەندراوێکدا بڵاویکردەوە، لە نزیکەوە چاودێریی ئەو پشێویەی ئەمڕۆی بەغداد دەکەین و نیگەرانین بەو راپۆرتانەی ئاماژە بە توندوتیژی دەکەن، ئێمەش دەنگی خۆمان دەخەینە پاڵ گشت لایەنە سیاسیەکانی عێراق لە داواکاریان بۆ دانبەخۆداگرتن و دوورکەوتنەوە لە توندوتیژی.
ئەمڕۆ یەکشەممە، کۆنسوڵخانەی ئەمریکا لە هەولێر لە راگەیەندراوێکدا بڵاویکردووەتەوە، “لە نزیکەوە چاودێریی ئەو پشێویەی ئەمڕۆی شاری بەغداد دەکەین و نیگەرانین بەو راپۆرتانەی ئاماژە بە توندوتیژی دەکەن. مافی خۆپیشاندانی ئاشتیانە و ئازادیی رادەربڕین لە دەستووری عێراقیدا بەرزڕاگیراون و چەسپاون”.
ئەوەش هاتووە، “ئێمەش دەنگی خۆمان دەخەینە پاڵ گشت لایەنە سیاسیەکانی عێراق لە داواکاریان بۆ دانبەخۆداگرتن و دوورکەوتنەوە لە توندوتیژی و چارەسەرکردنی جیاوازیە سیاسیەکانیان لەرێی پڕۆسەیەکی ئاشتیانە و لەژێر رێنمایی دەستووری عێراقیدا”.
ئەمە لە کاتێکدایە، بۆ دووەم رۆژ مانگرتنی لایەنگرانی موقتەدا سەدر، رێبەری رەوتی سەدر لەناو بینای پەرلەمانی عێراق بەردەوامی هەبوو، لەگەڵ ئەوەی چەند دەستپێشخەرییەک بۆ کۆتاییهێنان بەو دۆخە لە ئارادان، بەڵام تائێستا نازاندرێت ئەم رووداوانە بەرەو کوێ دەچن و کەی کۆتایی پێدێت.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
