ئەمڕۆ یەکشەممە، سەرۆکوەزیرانی عێراق لە پەیامێکدا بە زمانی کوردی بەبۆنەی جەژنی نەورۆز پیرۆزبایی ئاڕاستەی گەلی کورد دەکات.
مستەفا کازمی، سەرۆکوەزیرانی عێراق لە تویتێکدا نووسیویەتی، “جەژنی نەورۆز لە سەرجەم پێكهاتەكانی عێراق پیرۆز دەكەم بەتایبەت گەلی كوردمان”.
هەروەها نووسیویەتی، “با ئەم بۆنە ئازیزە بكەینە دەرفەت بۆ پەرەدان بە بەهاكانی خۆشەویستی، پشتیوانیكردنی ئارامی، بنیاتنانی ئایندەیەكی گەشتر، هەروەها دەستگرتن بە عێراقەوە وەک نیشتمانێكی بەهێزی یەكگرتووی ئارام و گەشەسەندوو”.
